بالالار بولاشاعىمىز دەسەك, بۇگىندە ەلىمىزدە ولارعا جاسالىپ جاتقان يگى شارالار دا جەتەرلىك. ولاردىڭ قاتارىندا ەرتەڭگى ەل يەلەرى بالعىندارعا ارنالعان انا تىلىندە فيلمدەر ۇسىنۋ دا بار. استاناداعى «كەرۋەن» ويىن-ساۋىق كەشەنىندە «بولاشاق» قاۋىمداستىعى «نۇر وتان» پارتياسىنىڭ قولداۋىمەن گولليۆۋدتىق «مالەفيسەنتا» ءفيلمىنىڭ قازاقشا نۇسقاسىنىڭ الدىن الا كورسەتىلىمىن وتكىزدى. شارانىڭ اشىلۋ سالتاناتىنا «نۇر وتان» پارتياسى توراعاسىنىڭ ءبىرىنشى ورىنباسارى, «بولاشاق» قاۋىمداستىعى كەڭەسىنىڭ توراعاسى باۋىرجان بايبەك پەن اتالعان تۋىندىنىڭ باس كەيىپكەرى مالەفيسەنتانىڭ داۋىسىن قازاقشالاعان گۇلناز اۋەسباەۆا كەلىپ, جيىلعان جۇرتتى قۇتتىقتاپ, فيلمگە ساتتىلىك تىلەدى. فيلم دۋبلياجىن جاساۋعا باس دەمەۋشىلىكتى «سامۇرىق-قازىنا» ۇاق» اق جاساپتى.
«بولاشاق» قاۋىمداستىعى ءتورت جىلدان استام ۋاقىتتان بەرى وسىنداي جوبالاردى باستادى. وسى ۋاقىتتار ىشىندە سەگىز جوبا ومىرگە كەلدى. قاۋىمداستىقتىڭ نەگىزگى ماقساتى وزىق تەحنولوگيالار ارقىلى گولليۆۋدتىق فيلمدەردى قازاق تىلىنە اۋدارۋ. ءداستۇرىمىزدى, مادەنيەتىمىزدى, ءتىلىمىزدى جاڭا حالىقارالىق ستاندارتتارعا سايكەس حالىققا, بالالارعا جەتكىزۋ. «نۇر وتان» پارتياسى بيىلعى جىلدان باستاپ ەلباسى ساياساتىن جۇزەگە اسىرۋ بارىسىندا وسى فيلمدەردى ايماقتاردا جاستارىمىز, بالالارىمىز بەن اتا-انالار, مۇعالىمدەر كورسىن دەگەن نيەتپەن وسىنداي يگىلىكتى ءىستى اتقارىپ وتىرمىز», – دەدى «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك.
سونداي-اق, گۇلناز اۋەسباەۆا: «مەن ءۇشىن اندجەلينا دجولي كەيىپكەرى مالەفيسەنتانى دىبىستاۋ – زور جەتىستىك. دىبىستاۋ اكتەر ءۇشىن بۇل جاڭا تولىق قۇندى ءرول تارىزدەس. ءوزىم «بولاشاق» قاۋىمداستىعى جانە «نۇر وتان» پارتياسىنىڭ قولداۋىمەن قازاقستاندىقتاردىڭ بەلگىلى گولليۆۋدتىق بلوگباستەردى مەملەكەتتىك تىلدە كورۋ مۇمكىندىگىنە يە بولعانىنا شەكسىز ريزامىن. فيلم بارشاڭىزعا ۇنايدى دەگەن ۇمىتتەمىن», – دەدى.
مۋلتيمەديالىق تەحنولوگيالاردى پايدالانۋ – تىلدەردى ۇيرەنۋدىڭ ءتيىمدى ءتاسىلى. وزگە تىلدەردەن دۋبلياج جاساۋ قازاق ءتىلىن تانىمال ەتۋدىڭ ىقپالدى قۇرالى بولىپ سانالادى. «بولاشاق» قاۋىمداستىعى ءبىرازدان بەرى وتباسىلىق كورسەتىلىمگە ارنالعان گولليۆۋدتىق تۋىندىلاردى دۋبلياج ارقىلى تانىستىرۋ جوباسىن ىسكە اسىرۋدا. قازاق ءتىلى اعىلشىن, فرانتسۋز, نەمىس, يسپان, پورتۋگاليا, ورىس جانە وزگە دە تىلدەرمەن قاتار, «مالەفيسەنتا» ءفيلمىنىڭ كەيىپكەرلەرى سويلەگەن الەمدەگى ون توعىزىنشى تىلگە اينالدى. الدا ايتقانىمىزداي باستى كەيىپكەرلەردى دىبىستاۋعا گۇلناز اۋەسباەۆا, گۇلنار قۇرمانبەكوۆا (حانشايىم اۆرورا), ازامات قاناپيا (پاتشا ستەفان) سىندى جالپى سانى جيىرماعا جۋىق اكتەرلەر قاتىسقان.
ۇيقىداعى ارۋ تۋرالى ەرتەگىنى جاڭاشا تۇسىندىرۋدە باستى ءرولدى تانىمال گولليۆۋدتىق اكتريسا, «وسكار» سىيلىعىنىڭ يەگەرى اندجەلينا دجولي سومداعان. سونداي-اق, ۋيلل سميت, دجونني دەپپ جانە توممي لي دجونس سەكىلدى اكتەرلەر العاش رەت قازاق ءتىلىندە سويلەدى. 3D گرافيكاسىنىڭ نەگىزىندە تولىق قالپىنا كەلتىرىلگەن ويدان شىعارىلعان ەرتەگى الەمنىڭ اسەرى «اۆاتار», «اليسا عاجايىپتار الەمىندە» كينوكارتينالارىن جاساۋعا قاتىسقان شىعارماشىلىق توپ جۇمىسىنىڭ ناتيجەسى. فيلم اعىلشىننىڭ بەلگىلى Pinewood Studio ستۋدياسىندا تۇسىرىلگەن. دەكوراتسيالار, ونىڭ ىشىندە ەسكى قورعان جاڭادان جاسالىپ, ىشكى كورىنىسىنە نەگىزىنەن سيرەك كەزدەسەتىن زاتتار پايدالانىلعان. «مالەفيسەنتا» ءفيلمى «وسكار» سىيلىعىن ەكى مارتە يەلەنگەن قويۋشى-سۋرەتشى روبەرت سترومبەرگتىڭ رەجيسسەرلىك دەبيۋتىنە اينالعان. الەمدىك ساحناعا جول تارتقان اتالمىش فيلمگە 200 ميلليون اقش دوللارى جۇمسالىپتى.
استاناداعى الدىن الا كورسەتىلىم زالداعى بالالار نازارىن وزىنە ەرەكشە اۋدارىپ, جالپى كورەرمەندەردىڭ ىستىق ىقىلاسىنا بولەندى. بۇل تۋىندىنىڭ تۇساۋكەسەرى كەشە, ياعني, 29 مامىردا ەلىمىزدىڭ بارلىق كينوتەاترلارىندا كورسەتىلدى.
ءابدىراحمان قىدىربەك,
«ەگەمەن قازاقستان».
«بولاشاق» قاۋىمداستىعى ءتورت جىلدان استام ۋاقىتتان بەرى وسىنداي جوبالاردى باستادى. وسى ۋاقىتتار ىشىندە سەگىز جوبا ومىرگە كەلدى. قاۋىمداستىقتىڭ نەگىزگى ماقساتى وزىق تەحنولوگيالار ارقىلى گولليۆۋدتىق فيلمدەردى قازاق تىلىنە اۋدارۋ. ءداستۇرىمىزدى, مادەنيەتىمىزدى, ءتىلىمىزدى جاڭا حالىقارالىق ستاندارتتارعا سايكەس حالىققا, بالالارعا جەتكىزۋ. «نۇر وتان» پارتياسى بيىلعى جىلدان باستاپ ەلباسى ساياساتىن جۇزەگە اسىرۋ بارىسىندا وسى فيلمدەردى ايماقتاردا جاستارىمىز, بالالارىمىز بەن اتا-انالار, مۇعالىمدەر كورسىن دەگەن نيەتپەن وسىنداي يگىلىكتى ءىستى اتقارىپ وتىرمىز», – دەدى «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك.
سونداي-اق, گۇلناز اۋەسباەۆا: «مەن ءۇشىن اندجەلينا دجولي كەيىپكەرى مالەفيسەنتانى دىبىستاۋ – زور جەتىستىك. دىبىستاۋ اكتەر ءۇشىن بۇل جاڭا تولىق قۇندى ءرول تارىزدەس. ءوزىم «بولاشاق» قاۋىمداستىعى جانە «نۇر وتان» پارتياسىنىڭ قولداۋىمەن قازاقستاندىقتاردىڭ بەلگىلى گولليۆۋدتىق بلوگباستەردى مەملەكەتتىك تىلدە كورۋ مۇمكىندىگىنە يە بولعانىنا شەكسىز ريزامىن. فيلم بارشاڭىزعا ۇنايدى دەگەن ۇمىتتەمىن», – دەدى.
مۋلتيمەديالىق تەحنولوگيالاردى پايدالانۋ – تىلدەردى ۇيرەنۋدىڭ ءتيىمدى ءتاسىلى. وزگە تىلدەردەن دۋبلياج جاساۋ قازاق ءتىلىن تانىمال ەتۋدىڭ ىقپالدى قۇرالى بولىپ سانالادى. «بولاشاق» قاۋىمداستىعى ءبىرازدان بەرى وتباسىلىق كورسەتىلىمگە ارنالعان گولليۆۋدتىق تۋىندىلاردى دۋبلياج ارقىلى تانىستىرۋ جوباسىن ىسكە اسىرۋدا. قازاق ءتىلى اعىلشىن, فرانتسۋز, نەمىس, يسپان, پورتۋگاليا, ورىس جانە وزگە دە تىلدەرمەن قاتار, «مالەفيسەنتا» ءفيلمىنىڭ كەيىپكەرلەرى سويلەگەن الەمدەگى ون توعىزىنشى تىلگە اينالدى. الدا ايتقانىمىزداي باستى كەيىپكەرلەردى دىبىستاۋعا گۇلناز اۋەسباەۆا, گۇلنار قۇرمانبەكوۆا (حانشايىم اۆرورا), ازامات قاناپيا (پاتشا ستەفان) سىندى جالپى سانى جيىرماعا جۋىق اكتەرلەر قاتىسقان.
ۇيقىداعى ارۋ تۋرالى ەرتەگىنى جاڭاشا تۇسىندىرۋدە باستى ءرولدى تانىمال گولليۆۋدتىق اكتريسا, «وسكار» سىيلىعىنىڭ يەگەرى اندجەلينا دجولي سومداعان. سونداي-اق, ۋيلل سميت, دجونني دەپپ جانە توممي لي دجونس سەكىلدى اكتەرلەر العاش رەت قازاق ءتىلىندە سويلەدى. 3D گرافيكاسىنىڭ نەگىزىندە تولىق قالپىنا كەلتىرىلگەن ويدان شىعارىلعان ەرتەگى الەمنىڭ اسەرى «اۆاتار», «اليسا عاجايىپتار الەمىندە» كينوكارتينالارىن جاساۋعا قاتىسقان شىعارماشىلىق توپ جۇمىسىنىڭ ناتيجەسى. فيلم اعىلشىننىڭ بەلگىلى Pinewood Studio ستۋدياسىندا تۇسىرىلگەن. دەكوراتسيالار, ونىڭ ىشىندە ەسكى قورعان جاڭادان جاسالىپ, ىشكى كورىنىسىنە نەگىزىنەن سيرەك كەزدەسەتىن زاتتار پايدالانىلعان. «مالەفيسەنتا» ءفيلمى «وسكار» سىيلىعىن ەكى مارتە يەلەنگەن قويۋشى-سۋرەتشى روبەرت سترومبەرگتىڭ رەجيسسەرلىك دەبيۋتىنە اينالعان. الەمدىك ساحناعا جول تارتقان اتالمىش فيلمگە 200 ميلليون اقش دوللارى جۇمسالىپتى.
استاناداعى الدىن الا كورسەتىلىم زالداعى بالالار نازارىن وزىنە ەرەكشە اۋدارىپ, جالپى كورەرمەندەردىڭ ىستىق ىقىلاسىنا بولەندى. بۇل تۋىندىنىڭ تۇساۋكەسەرى كەشە, ياعني, 29 مامىردا ەلىمىزدىڭ بارلىق كينوتەاترلارىندا كورسەتىلدى.
ءابدىراحمان قىدىربەك,
«ەگەمەن قازاقستان».
