مەملەكەت باسشىسىنىڭ ايتۋىنشا, قالاعا تۋريستەردى تارتۋعا مادەنيەت سالاسىنىڭ الەۋەتى جەتكىلىكتى.
«اكىمدىك قالانىڭ جاڭا اۋداندارىندا زاماناۋي مادەني ورتا قالىپتاستىرۋى كەرەك. تۋريستەردى كوپتەپ تارتۋعا مادەنيەت سالاسىنىڭ الەۋەتى جەتەدى. مىسالى, جاقىندا الماتىدا ديماشتىڭ كونتسەرتى وتكەنىن جاقسى بىلەسىزدەر. وعان 65 ەلدەن 13 مىڭ تۋريست كەلدى. مادەني ءىس-شارالار قالانىڭ رۋحاني ءومىرىن بايىتۋعا, شىعارماشىلىق الەۋەتىن ارتتىرۋعا ءتيىس», دەپ قوستى ق.توقاەۆ
سونداي-اق ەرەكشە كۇتىمدى قاجەت ەتەتىن جاندارعا جان-جاقتى قولداۋ كورسەتىلۋى ءتيىس ەكەنىن ايتتى.
«الماتى – بارلىق ازاماتقا بىردەي قولجەتىمدى ءارى قولايلى قالا بولۋى قاجەت. ەرەكشە كۇتىمدى قاجەت ەتەتىن جاندارعا جان-جاقتى قولداۋ كورسەتۋ اسا ماڭىزدى. ولارعا مەيلىنشە ىڭعايلى قوعامدىق ورتا قالىپتاستىرۋىمىز قاجەت», دەدى ەل پرەزيدەنتى.
پرەزيدەنتتىڭ ايتۋىنشا, قازاقستاندا ەشكىمنىڭ قۇقىعى شەكتەلمەۋى كەرەك. قازىر الماتىدا 55 مىڭداي مۇمكىندىگى شەكتەۋلى ادام تۇرادى. ونىڭ 13 مىڭى ەركىن ءجۇرىپ-تۇرا المايدى. ولارعا كەدەرگىسىز ورتا قالىپتاستىرۋ قاجەت. بۇل جۇمىس مۇمكىندىگى شەكتەۋلى جاندار عانا ەمەس, قارت كىسىلەر جانە بالالار ءۇشىن دە وتە ماڭىزدى.
«سوندىقتان, اكىمدىك قالاداعى الەۋمەتتىك نىسانداردىڭ ءبارىن وسىنداي جانداردىڭ قاجەتتىلىگىنە بەيىمدەۋى كەرەك. حالىققا قىزمەت كورسەتۋ ورتالىقتارىن, اۋرۋحانالار مەن ەمحانالاردى, ءبىلىم بەرۋ جانە سپورت مەكەمەلەرىن وسى تالاپقا ساي كەلتىرۋ قاجەت», دەدى ق.توقاەۆ.
