اتالعان كوشە قاراعاندى تاس جولى, «نۇرلى جول» تەمىرجول ۆوكزالى جانە قالانىڭ سول جاعالاۋى اراسىنداعى كولىك بايلانىسىن قامتاماسىز ەتۋگە مۇمكىندىك بەرەدى. وسىلايشا ناجىمەدەنوۆ, بايتۇرسىنوۆ كوشەلەرىندەگى كولىك اعىنى سەيىلدى.
جاڭادان اشىلعان ا62 كوشەسى 8 جولاقتى. كوشەدەگى جۇمىستىڭ ءبىر بولىگى اياقتالدى, قازىر 4 جولاق بويىنشا قوزعالىس اشىق. قالعان 4 جولاقتى اباتتاندىرۋ جۇمىسى كوكتەمدە جالعاسادى.
بۇعان دەيىن ۇلى دالا داڭعىلىنداعى جاڭا كوپىر ۇستىندەگى قوزعالىس اشىلعان ەدى. كوپىر ماڭگىلىك ەل داڭعىلىنا, ا.بايتۇرسىنوۆ, ر.قوشقارباەۆ, ج.ناجىمەدەنوۆ كوشەلەرىنە, Nova City اۋدانىنا, «مىڭجىلدىق» اللەياسىندا كولىك اعىنىن سەيىلتۋگە, «نۇرلى جول» جاڭا ۆوكزالىنا, تەلمان جانە پرومىشلەننىي ەلدى مەكەندەرىنە, مەترو گيپەرماركەتىنە, جۇماباەۆ داڭعىلىنا, جۇرگەنوۆ كوشەسىنە قولجەتىمدىلىكتى ارتتىردى.
اكىمدىك وكىلدەرى حابارلاعانداي, 2023 جىلى ەسىل وزەنى ارقىلى تاۋەلسىزدىك داڭعىلىنىڭ بويىندا تاعى ءبىر كولىك كوپىرى اشىلادى.
