مەملەكەت باسشىسى قاراعاندى وبلىسىنا جۇمىس ساپارىندا قاراعاندى – بالقاش, بالقاش – بۋرىلبايتال اۆتوجولدارىندا ءجۇرىپ جاتقان جاڭعىرتۋ جۇمىستارىن اياقتاۋدى تاپسىرعان بولاتىن.
تاپسىرما اياسىندا, قازىر قاراعاندى – بالقاش اۆتوموبيل جولىندا ۇزىندىعى 363 شاقىرىمعا جەتەتىن 8 جول ۋچاسكەسىندە جاڭعىرتۋ جۇمىستارى جۇرگىزىلۋدە.
«جول ۋچاسكەلەرىندە جالپى ۇزىندىعى 8 شاقىرىم بولاتىن 16 اينالما جول قاراستىرىلعان. جىل سوڭىنا دەيىن ءتيىستى جۇمىستار اياقتالىپ, جاڭا جول جابىنىنا بايلانىستى قوزعالىس ۇدەرىسىن 13 اينالما جولعا اۋىستىرۋ جوسپارلانعان. اۆتوجولدى قايتا جاڭارتۋ بويىنشا قۇرىلىس-مونتاج جۇمىستارىن 2023 جىلدىڭ اياعىنا دەيىن دايىن بولادى», دەپ جازدى مينيسترلىكتىڭ ءباسپاسوز قىزمەتى.
سونداي-اق بالقاش – بۋرىلبايتال اۆتوموبيل جولىنىڭ ۋچاسكەسىندە جۇرگىزىلىپ جاتقان جاڭعىرتۋ جۇمىستارى بويىنشا, مۇندا 288 شاقىرىمنىڭ 6 ۋچاسكەسىندە جول جابىنىن توسەۋ جۇرگىزىلىپ جاتىر. جاڭا اسفالتبەتونمەن جول قوزعالىسى 161 شاقىرىم جەرگە قامتاماسىز ەتىلگەن. اتالعان جوبانى سوڭىنا دەيىن جەتكىزۋ 2023 جىلدىڭ سوڭىنا مەجەلەنىپ وتىر.
«جەزقازعان – قاراعاندى اۆتوموبيل جولى بويىنشا قازىر 513 شاقىرىمعا جوبالىق-ىزدەستىرۋ جۇمىستارى جۇرگىزىلىپ جاتىر. بۇل جوبا 12 ۋچاسكەگە بولىنگەن. جوبالاۋ-سمەتالىق قۇجاتتامانى ازىرلەۋدى 2023 جىلى اياقتالادى. قۇجاتتامانىڭ دايىن بولۋىنا بايلانىستى ءتيىستى جۇمىستار كەزەڭ-كەزەڭمەن جاسالادى», دەپ حابارلادى مينيسترلىكتىڭ ءباسپاسوز قىزمەتى.
