«وسىدان ءۇش جىل بۇرىن جالاقىنى كوتەرۋ ماسەلەسى كوتەرىلگەندە ءبىزدىڭ قىزمەتكەرلەردىڭ جالاقىسى 65 مىڭ تەڭگە بولعان. قازىر قىزمەتكە جاڭادان كەلگەن قىزمەتكەردىڭ ەڭ تومەنگى رەسمي جالاقىسى شامامەن 110 مىڭ تەڭگەنى قۇراپ وتىر», دەدى مينيستر ۇكىمەت وتىرىسىندا.
ول 2023 جىلدىڭ 1 قاڭتارىنان باستاپ جالاقىنى 10 پايىزدان 70 پايىزعا دەيىن ارتتىرۋ قاراستىرىلعانىن ايتتى.
«قاتارداعى قىزمەتكەرلەردىڭ جالاقىسى 70 پايىزعا وسەدى. ال, باسشىلىق ءۇشىن, ياعني ءورت ءسوندىرۋ قىزمەتىنىڭ باسشىلارى, توتەنشە جاعدايلار قىزمەتىنىڭ باسشىلارىنىڭ جالاقىسى 10 پايىزعا كوتەرىلەدى», دەپ ءتۇسىندىردى يۋ.يلين.
