ايتا كەتەيىك, 1 قاراشادا تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين ۇكىمەت وتىرىسىندا 2023 جىلى 400 مىڭ ءبىرىنشى سىنىپ وقۋشىسىن قازاقستاندا جاسالعان پلانشەتتەرمەن قامتاماسىز ەتۋ جوسپارلانىپ وتىرعانىن ايتتى.
تسيفرلىق دامۋ مينيسترلىگىنىڭ ءباسپاسوز حاتشىسى ەرحان تاتكەننىڭ ايتۋىنشا, بۇل ماسەلەلەر كەلىسىلۋ ساتىسىندا. دەگەنمەن, مينيسترلىك جەتكىزۋشى تاڭداۋ ماسەلەسىن قازاقستاندىق بايلانىس وپەراتورلارىنا بەرۋدى ۇسىنىپ وتىر. ولار وزدەرىنىڭ ىشكى كورپوراتيۆتىك ستاندارتتارىنا سايكەس باعاسى مەن ساپاسى جاعىنان باسەكەگە قابىلەتتى جابدىق نۇسقالارىن تاڭدايدى.
«پلانشەتتىڭ ساپاسى مەن قاۋىپسىزدىگىنە جوعارى تالاپتار ازىرلەنەدى. بۇل قىزمەت كورسەتۋ ورتالىقتارىنا قوڭىراۋلار سانىن ازايتادى. سونداي-اق كەپىلدىكسىز جاعدايدا مەكتەپ وقۋشىلارىنىڭ ۇزدىكسىز ءبىلىم الۋى ءۇشىن قىسقا مەرزىمگە اۋىستىرۋعا ارنالعان قوسىمشا پلانشەتتەر بەرۋ ۇسىنىلادى», دەدى ەرحان تاتكەن.
سونداي-اق مينيسترلىك مەملەكەتتىك پلانشەتتەردى كىم ساقتايتىنى تۋرالى تۇسىنىكتەمە بەردى. وقۋ پروتسەسىنىڭ بۇكىل كەزەڭىندە پلانشەت وقۋشىعا مەكتەپتە دە, مەكتەپتەن تىس وقۋ كەزىندە دە پايدالانۋ ءۇشىن تولىعىمەن ۋاقىتشا پايدالانۋعا بەرىلەدى.
پلانشەتتەردى مەكتەپتە ءجيى زاريادتاۋدى بولدىرماۋ ءۇشىن بۇل قۇرىلعىلاردا سىيىمدىلىعى جوعارى اككۋمۋلياتوردى پايدالانۋ جوسپارلانۋدا. سونداي-اق پلانشەتتى زاريادتاۋ قۇرىلعىلارىنىڭ باسقا تەحنيكامەن ايىرماشىلىعى, ۇيدە نەمەسە بارلىق ايماقتاردا كەڭىنەن قولجەتىمدى تەلەفون زاريادتاعىشتارىمەن ۇيلەسىمدى. وقۋشىلارعا پلانشەت بەرۋدىڭ ەگجەي-تەگجەيلى تەتىگى ءبىلىم مينيسترلىگىمەن كەلىسكەننەن كەيىن انىقتالادى.
«ساتىپ الىناتىن پلانشەتتەر 4 جىل بويى (1-دەن 4-ءشى سىنىپقا دەيىن) پايدالانۋعا بولاتىنداي ونىمدىلىگى جوعارى بولۋى كەرەك دەپ بولجانۋدا. پلانشەتتەردىڭ كەپىلدىك بەرىلگەن قىزمەت ەتۋ مەرزىمى كەمىندە 36 ايدى قۇرايدى», دەپ تولىقتىردى مينيسترلىك.
ەسكە سالايىق, بۇعان دەيىن ءبىلىم سالاسىنىڭ ماماندارى وقۋشىلاردى پلانشەتپەن قامتاماسىز ەتۋ قۇنىن شامامەن 240 ميلليارد تەڭگەگە باعالاعان بولاتىن. الايدا ولار بۇل باستامانى قىمباتشىلىققا, مەكتەپتەردە ينتەرنەتتىڭ قولجەتىمدىلىگىنە, سىبايلاس جەمقورلىق تاۋەكەلدەرىنە جانە تەحنولوگيانىڭ بالالار دەنساۋلىعىنا اسەرىنە بايلانىستى سىنعا الدى.
قازان ايىنىڭ باسىندا پرەمەر-مينيستر ءاليحان سمايىلوۆ مەكتەپتەر ماسەلەسىن قازان ايىنىڭ سوڭىنا دەيىن شەشىپ, بالالاردى اۋىر ريۋكزاكتاردان ارىلتۋدى تاپسىردى.
