قازاقستان رەسپۋبليكاسى ۇكىمەتىنىڭ قاۋلىسى №496

2014 جىلعى 16 مامىر, استانا, ۇكىمەت ءۇيى «جالپىعا ورتاق پايدالانىلاتىن حالىقارالىق جانە رەسپۋبليكالىق ماڭىزى بار اۆتوموبيل جولدارىن سالۋ مەن رەكونسترۋكتسيالاۋ جونىندەگى جانە وبلىستىق جانە اۋداندىق ماڭىزى بار اۆتوموبيل جولدارىن سالۋ, رەكونسترۋكتسيالاۋ, سونداي-اق كۇردەلى جانە ورتاشا جوندەۋ جونىندەگى جوبالاردىڭ باسىمدىعى كريتەريلەرىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 16 قىركۇيەكتەگى №971 قاۋلىسىنا تولىقتىرۋلار ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «جالپىعا ورتاق پايدالانىلاتىن حالىقارالىق جانە رەسپۋبليكالىق ماڭىزى بار اۆتوموبيل جولدارىن سالۋ مەن رەكونسترۋكتسيالاۋ جونىندەگى جانە وبلىستىق جانە اۋداندىق ماڭىزى بار اۆتوموبيل جولدارىن سالۋ, رەكونسترۋكتسيالاۋ, سونداي-اق كۇردەلى جانە ورتاشا جوندەۋ جونىندەگى جوبالاردىڭ باسىمدىعى كريتەريلەرىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 16 قىركۇيەكتەگى № 971 قاۋلىسىنا (قازاقستان رەسپۋبليكاسىنىڭ ءپۇاج-ى, 2013 ج., № 54, 761-قۇجات) مىناداي تولىقتىرۋلار ەنگىزىلسىن: كورسەتىلگەن قاۋلىمەن بەكىتىلگەن جالپىعا ورتاق پايدالانىلاتىن حالىقارالىق جانە رەسپۋبليكالىق ماڭىزى بار اۆتوموبيل جولدارىن سالۋ مەن رەكونسترۋكتسيالاۋ جونىندەگى جانە وبلىستىق جانە اۋداندىق ماڭىزى بار اۆتوموبيل جولدارىن سالۋ, رەكونسترۋكتسيالاۋ, سونداي-اق كۇردەلى جانە ورتاشا جوندەۋ جونىندەگى جوبالاردىڭ باسىمدىعى كريتەريلەرىندە: مىناداي مازمۇنداعى 4, 5 جانە 6-تارماقتارمەن تولىقتىرىلسىن: «4. وسى كريتەريلەردىڭ 3-تارماگىنا سايكەس وبلىستىق جانە اۋداندىق ماڭىزى بار اۆتوموبيل جولدارىن سالۋ, رەكونسترۋكتسيالاۋ, سونداي-اق كۇردەلى جانە ورتاشا جوندەۋ جونىندەگى جوبالاردى رەسپۋبليكالىق بيۋدجەتتەن قارجىلاندىرۋ باسىمدىعى, مىنانداي كريتەريلەردىڭ جالپى مەنشىكتى ۇلەسىمەن ايقىندالادى: 1) جولداردىڭ جالپى ۇزىندىعى; 2) جەرگىلىكتى بيۋدجەت شىعىستارى مەن رەسپۋبليكالىق بيۋدجەتتەن قارجىلاندىرۋدىڭ اراقاتىناسى; 3) ورىندالۋ ساپاسى; 4) وبلىس حالقىنىڭ 10 مىڭ ادامىنا شاققاندا اۆتوموبيل جولدارىمەن قامتاماسىز ەتىلۋى; 5) اۆتوموبيل كولىگىنىڭ جۇك اينالىمى مەن جولاۋشىلار اينالىمىنىڭ كورسەتكىشتەرى; 6) جاقسى جانە قاناعاتتانارلىق جاي-كۇيدەگى جولداردىڭ ۇزاقتىعى; 7) مەملەكەتتىك بيۋدجەتكە كىرىستەردىڭ مەنشىكتى ۇلەسى. 5. وبلىستىق جانە اۋداندىق ماڭىزى بار اۆتوموبيل جولدارىن سالۋ, رەكونسترۋكتسيالاۋ, سونداي-اق كۇردەلى جانە ورتاشا جوندەۋدىڭ ءاربىر جوباسى بويىنشا رەسپۋبليكالىق بيۋدجەتتەن قارجىلاندىرۋ كولەمىن جانە ءاربىر كريتەريدىڭ جەكە نومينالدىق ماندەرىن ەسەپتەۋدىڭ ادىستەمەسىن اۆتوموبيل جولدارى بويىنشا ۋاكىلەتتى مەملەكەتتىك ورگان ايقىندايدى. 6. رەسپۋبليكالىق بيۋدجەتتەن وبلىستىق جانە اۋداندىق ماڭىزى بار اۆتوموبيل جولدارىن سالۋ, رەكونسترۋكتسيالاۋ, سونداي-اق كۇردەلى جانە ورتاشا جوندەۋ جونىندەگى جوبالاردى قارجىلاندىرۋ باسىمدىلىعىنىڭ كريتەريى قازاقستان رەسپۋبليكاسى پرەزيدەنتىنىڭ نەمەسە وسى كريتەريلەردىڭ 3-تارماعىنىڭ 1) تارماقشاسىندا كوزدەلمەگەن قازاقستان رەسپۋبليكاسى ۇكىمەتىنىڭ جەكە تاپسىرمالارىمەن انىقتالعان كولىكتىك ينفراقۇرىلىمداردىڭ جوبالارىن قارجىلاندىرۋعا نىسانالى اعىمداعى ترانسفەرتتەردى جوسپارلاۋ كەزىندە قولدانىلمايدى.». 2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.