جول اپاتى كولىكتىڭ باعدارلامالىق جاساقتاماسىنىڭ دۇرىس جۇمىس ىستەمەي قالۋىنان تۋىنداعان. سونىڭ كەسىرىنەن كولىك ماكسيمالدى جىلدامدىققا اۋىسىپ, باسقارىلمايتىن جۇيەگە ءتۇسىپ قالعان. پوليتسيا وقيعاعا قاتىستى تەرگەۋدى باستادى.
وقيعا چجان ەسىمدى جۇرگىزۋشى Tesla Model-Y كولىگىن تۇراققا قويىپ جاتقان ساتتە بولعان. جۇرگىزۋشى تۇسىنىكسىز جاعدايدا باسقارۋدى جوعالتىپ العان. ماشينا جوعارى جىلدامدىقپەن ءجۇرىپ بارا جاتقاندا ەكى موتوتسيكلشى مەن ۆەلوسيپەدشىنى سوعىپ وتكەن. جۇرگىزۋشى بىرنەشە رەت تەجەگىشتى باسىپ كولىكتى توقتاتپاق بولعان. بىراق ودان ناتيجە شىقپاعان.
جۇرگىزۋشى الكوگول نەمەسە ەسىرتكى قولدانباعان. Tesla كومپانياسى كولىككە تەكسەرۋ جۇرگىزۋگە, سونداي-اق زارداپ شەككەندەردىڭ وتباسىلارىنا قاجەتتى كومەك كورسەتۋگە ۋادە بەردى.
