«2022 جىلعى 21 قازاندا ۇقك شق تۇركىستان وبلىسى بويىنشا دەپارتامەنتى پروكۋراتۋرا ورگاندارىمەن ءوزارا ءىس-قيمىل جاساي وتىرىپ, شەكارادان وتۋگە شەكتەۋى بار ادامداردى قازاقستان, وزبەكستان, رەسەي مەملەكەتتىك شەكاراسى ارقىلى زاڭسىز كوشى-قون ارناسىن ۇيىمداستىرۋمەن اينالىسقان ترانسشەكارالىق قىلمىستىق توپ ارەكەتىنىڭ جولىن كەستى», دەلىنگەن حابارلامادا.
ۆەدومستۆو مالىمەتىنشە, قىلمىستىق توپتىڭ بەلسەندى قاتىسۋشىسى 700 000 تەڭگە سوماسىنداعى اقشالاي قاراجاتتى الۋ بارىسىندا ۇستالعان. شەتەلدىك ازاماتقا جانە قىلمىستىق توپتىڭ باسقا دا مۇشەلەرىنە قاتىستى قر قك 394-بابى 2-بولىگى (زاڭسىز كوشى-قوندى ۇيىمداستىرۋ) بويىنشا قىلمىستىق ءىس قوزعالدى. ۇستالعان ادام قاماۋعا الىندى.
