ەكولوگيا • 14 قاراشا، 2022

ەلىمىزگە رەسەيدەن امۋر جولبارىستارى اكەلىنەدى

42 رەت كورسەتىلدى

تۇران جولبارىستارىن قايتا قالپىنا كەلتىرۋ ماقساتىندا رەسەي قازاقستانعا امۋر جولبارىستارى تەگىن بەرەدى. بۇل تۋرالى ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆ ايتتى، دەپ حابارلايدى Egemen.kz.

«تۇران جولبارىسىنىڭ پوپۋلياتسياسىن قالپىنا كەلتىرۋ بويىنشا جۇمىس جالعاسۋدا. ىلە-بالقاش قورىعى تۇران جولبارىسى پوپۋلياتسياسىن قايتا جاڭعىرتۋعا دايىن. ءبىز قورىقتىڭ 415 مىڭ گەكتاردان استام جەرىن انىقتادىق. جولبارىستار تۋرالى، قىركۇيەك ايىندا رەسەي فەدەراتسياسىندا وتكەن قيىر شىعىس ەكونوميكالىق فورۋمىندا ءبىزدىڭ وكىلدەر رەسەي فەدەراتسياسىنىڭ تابيعات مينيسترلىگىمەن مەموراندۋمعا قول قويدى. قازىرگى ۋاقىتتا ءتيىستى جول كارتاسى دايىندالۋدا، وعان سايكەس 2025 جىلى ءبىز عىلىمي زەرتتەۋلەر مەن نەگىزدەۋدەن باسقا امۋر جولبارىسىنىڭ ءبىرىنشى پارتياسىن اكەلۋدى جوسپارلاپ وتىرمىز»، دەدى سەرىكقالي برەكەشەۆ.

ەكولوگيا مينيسترلiگiنiڭ باسشىسى جەم-ءشوپ بازاسى دايىندالعانىن، قورىققا بۇقار بۇعىلارى جەتكiلiكتi مولشەردە اكەلiنگەنiن، بۇل اۋماقتا قابان مەن ەلىك تە كەزدەسەتىنىن اتاپ ءوتتى. سەرىكقالي برەكەشەۆ مۇنىڭ ازاماتتارعا قاۋىپ توندىرمەيتىنىن دە اتاپ ءوتتى.

«جولبارىستاردى رەسەيلىك تاراپ بىزگە تەگىن بەرەدى. سوندىقتان بۇل جەردە تولەم تۋرالى ماسەلە جوق. امۋر جانە تۇران جولبارىستارىنا كەلەتىن بولساق، عالىمدارىمىز دنق بويىنشا تۇران جولبارىستارىنا ۇقساس ەڭ قولايلى جولبارىس ءدال امۋر جولبارىسى ەكەنىن دالەلدەدى. سوندىقتان امۋر جولبارىستارىن ىلە-بالقاش قورىعىنىڭ اۋماعىنا قايتا جەرسىندىرۋ تۋرالى ارنايى شەشىم قابىلداندى»، دەپ ءتۇسىندىردى س. برەكەشەۆ.

سوڭعى جاڭالىقتار

الماتىدا ەكى اۆتوبۋس سوقتىعىستى

ايماقتار • بۇگىن، 11:33

ءوندىرىس كولەمى كەمىگەن

قازاقستان • بۇگىن، 08:58

ەرتە قامدانعاننىڭ ەسەسى كەتپەيدى

توتەنشە جاعداي • بۇگىن، 08:50

ادىلدىك ىزدەگەن كاسىپكەر

كاسىپكەر • بۇگىن، 08:40

مۋزەي قورى تولىعا تۇسەدى

مۋزەي • بۇگىن، 08:35

جىل باپكەرى اتاندى

فۋتبول • بۇگىن، 08:30

جاڭا باعىت

ساياسات • كەشە

ۇقساس جاڭالىقتار