قارىم-قاتىناس جايى تالقىلاندى

ءماجىلىس توراعاسىنىڭ ورىنباسارى داريعا نازارباەۆا پارلامەنتتە مالايزيانىڭ جانە يوردانيانىڭ قازاقستانداعى ەلشىلەرى داتو حيدايات ابدۋل حاميدپەن جانە سلايمان ارا­بياتپەن كەزدەستى, دەپ حابارلادى ءماجىلىستىڭ ءباسپاسوز قىزمەتى. شەتەلدىك ديپلوماتتارمەن اڭگىمە بارىسىندا ەكىجاقتى قارىم-قاتىناستىڭ بۇگىنى مەن بولاشاعى تالقىعا ءتۇستى. ۆيتسە-سپيكەر مالايزيالىق ەلشىنى قىزمەتكە تاعايىندالۋىمەن قۇتتىقتاي وتىرىپ, مالايزيا پرەمەر-ءمينيسترى رازاكتىڭ استانا ەكونوميكالىق فورۋمى اياسىندا قازاقستانعا جاساعان رەسمي ساپارى ەكىجاقتى قاتىناستىڭ دامۋىنا, سونىمەن بىرگە, حالىقارالىق ۇيىمدارداعى بىرلەسكەن ىنتىماقتاستىققا تىڭ سەرپىن بەرەتىنىن اتاپ ءوتتى. كەزدەسۋ بارىسىندا «بولاشاق ەنەرگياسى» تاقىرىبىمەن استا­نادا وتەتىن ەكسپو-2017 حالىق­ارالىق كورمەسى جايىنا دا نازار اۋدارىلدى. ءتۇرلى حالىقارالىق ۇيىمدار مەن ايماقتىق قۇرىلىمدار اياسىندا ءوزارا ءىس-قيمىلدى نىعايتۋ يوردانيالىق ەلشىمەن جۇزدەسۋ كەزىندە دە نازاردان تىس قالمادى. وسى رەتتە  بۇكىل الەمدە يادرولىق قا­رۋدى تاراتپاۋ جانە يادروسىز اي­ماق قۇرۋعا قاتىستى سىرتقى سايا­سي بەيبىت باستامالاردىڭ ماڭىز­دىلىعى دا تىلگە تيەك ەتىلدى. سونىمەن قاتار, پارلامەنتتىك ين­تەگراتسيانىڭ, اتاپ ايتاتىن بول­ساق, ىنتىماقتاستىق جونىندەگى پار­­لا­مەنتارالىق توپتار تۇرىندەگى باي­لا­نىس­تىڭ وزەكتىلىگى اڭگىمەگە ارقاۋ بولدى. كەزدەسۋگە ءماجىلىستىڭ حالىق­ارا­لىق ءىس­تەر, قور­عانىس جانە قاۋىپ­سىزدىك كوميتەتىنىڭ توراعاسى ءماۋ­لەن اشىمباەۆ قاتىستى.