قوعام • 11 قاراشا، 2022

اتاتۇرىك ەل جادىندا

117 رەت كورسەتىلدى

استانا تورىندە ورنالاسقان قازاقستان رەسپۋبليكاسى قارۋلى كۇشتەرى مەملەكەتتىك اسكەري-تاريحي مۋزەيىندە قازىرگى تۇركيا رەسپۋبليكاسىنىڭ نەگىزىن قالاۋشى مۇستافا كەمال اتاتۇرىكتى ەسكە الۋ ماقساتىندا ەلورداداعى يۋنۋس ەمرە تۇرىك مادەنيەت ورتالىعىنىڭ ۇيىمداستىرۋىمەن «اتاتۇرىك جادىمىزدا» اتتى فوتو كورمە ءوتتى.

سۋرەتتەردى تۇسىرگەن ەرلان ومار، «EQ»

اتالعان ءىس-شاراعا تۇركيا­نىڭ قازاقستانداعى توتەنشە جانە وكىلەتتى ەلشىسى ۋفۋك ەكيدجي، يۋنۋس ەمرە ينستيتۋتى باقىلاۋ كەڭەسىنىڭ مۇشەسى ءالي وزگۇندۇز جانە قورعانىس مينيسترلىگىنىڭ وكىلدەرى قاتىسىپ، كورمە ەكسپوزيتسياسىنا ۇلى قايراتكەردىڭ ءومىر-تاريحىنان اقپار بەرەتىن 40-تان استام فوتو قويىلدى.

مارتەبەلى جيىندى اشىپ ءسوز سويلەگەن ەلشى ۋفۋك ەكيدجي مىر­زا، بۇگىنگى ءىس-شارانىڭ باستى كەيىپ­كە­رى بولىپ وتىرعان مۇستافا كەمال اتاتۇرىك وسىدان 84 جىل بۇرىن ءدال بۇگىنگى 10 قاراشا كۇنى ساعات تاعى 09:05-تە ومىردەن وتكەن بولاتىن. بۇل ءسات تۇركيالىقتار ءۇشىن اتاتۇرىكتى ەسكە الۋ، ياعني ۇلت­تىق ازا تۇتۋ ءراسىمى رەتىندە بەلگىلى. بۇل كۇنى ەل كولەمىندە 2 مينۋتتىق ۇنسىزدىك جاريالانادى. ودان كەيىن قايراتكەر جۇ­زەگە اسىرعان رەفورمالار جايلى حالىققا ءتۇسىندىرى­لىپ، ونىڭ سويلەگەن سوزدەرى راديو، تەلەديدار ارقىلى ءوز داۋسىمەن كوپشى­لىك­كە تىڭداتىلادى، سونى­­مەن قا­تار تۇلعا جايلى دەرەكتى ­فيلمدەر كورسەتىلەدى. وسى ءىس بۇ­گىنگى تاڭ­دا قازاقستان ەلىنىنىڭ ­استاناسىندا جالعاسىن تاۋىپ ­وتىر­­عانى قۋانتادى، دەدى.

راسىن ايتساق، قازىرگى تۋىس­قان تۇرىك مەملەكەتى اتاتۇرىك­تىڭ تۋىندىسى. ول كىسى ەڭ اۋەلى ءبى­لىم بەرۋ جونىندەگى تىڭ رەفورما­­نى جۇزەگە اسىردى. انادولى­نىڭ ءارتۇرلى قالالارىندا كاسىپ­تىك مەكتەپتەر، تەحنيكۋمدار، مۇعا­لىمدەر دايارلايتىن مەكتەپتەر، ورتا مەكتەپتەر مەن ليتسەيلەر اشتى. تۇركيا لاتىن ءالفاۆيتىن قابىلداتتى. جاڭا الفاۆيت باتىس وركەنيەتىمەن ۇندەسۋگە ۇلكەن ۇلەس قوستى. سونداي-اق ءتىل رەفورماسىن جۇزەگە اسىردى. قىسقا مەرزىمدە تۇرىك ءتىلىن عىلىم مەن ءبىلىم تىلىنە اينالدىردى... تاعى­سىن تاعىلار.

كەلەسى كەزەكتە ءسوز العان يۋنۋس ەمرە ينستيتۋتى باقىلاۋ كەڭەسى­نىڭ مۇشەسى ءالي وزگۇندۇز مىر­زا، كورمەنى ۇيىمداستىرۋ­شى­لارعا ريزاشىلىق بىلدىرە وتى­رىپ: «زاماناۋي تۇرىك رەس­پۋب­ليكاسىنىڭ نەگىزىن قالاۋ­شى، ازاتتىق مايدانىنىڭ باس قولباسشىسى، حح عاسىردىڭ كە­مەڭگەر مەملەكەت قايراتكەرى كەمال اتاتۇرىك اتاقتى شەيح قوجا احمەت ءياساۋيدىڭ جولىن تاڭداعان تۇلعا. سونداي-اق ادامدى ءسۇيۋدى دارىپتەيتىن ۇلكەن عۇ­لاما يۋنۋس ەمرەنىڭ گۋمانيستىك فيلوسوفياسىن ۇستانعان ادام. سوندىقتان دا بۇل كىسىنىڭ ساياسي جولى مەن ءدىني ءىلىمى قازىرگى قازاق باۋىرلارىمىزعا دا جات ەمەس، ءبىز وسى قايراتكەر تۇلعالاردىڭ ءىسىن ونەگە ەتۋىمىز كەرەك»، دەدى.

جيىن بارىسىندا قازاقستان رەسپۋبليكاسى قارۋلى كۇش­تەرى ۇلتتىق اسكەري-پاتريوتتىق ور­تا­لىعىنىڭ اسكەري وركەسترى قاي­­راتكەردىڭ قۇرمەتىنە اسكەري مارش اندەرىن كوپشىلىككە ۇسىنسا، تۇركيادان كەلگەن ءانشى اتاتۇرىك ءسۇيىپ تىڭداعان شىعارمالاردى ورىندادى. ال قازاقستاندىق جاس سۋرەتشى البينا ابەنوۆا ءوزى سالعان اتاتۇرىكتىڭ قوس پورترەتىن شارانىڭ قۇرمەتتى قوناقتارىنا تارتۋ ەتتى.

سۋرەتتەردى تۇسىرگەن ەرلان ومار، «EQ»

سوڭعى جاڭالىقتار

استانادا «ۆaitursynuly.kz» سايتىنىڭ تۇساۋكەسەرى ءوتتى

احمەت بايتۇرسىن ۇلى • 03 اقپان، 2023

ۇقساس جاڭالىقتار