پرەزيدەنت قاسىم-جومارت توقاەۆ اتاپ وتكەندەي, اتا زاڭعا ەنگىزىلگەن تۇزەتۋلەر ەلىمىز ءۇشىن تاعدىرشەشتى مانگە يە. سوندىقتان كونستيتۋتسياعا وزگەرىس ەنگىزۋ ماسەلەسى پارلامەنتتە ەمەس, رەسپۋبليكالىق رەفەرەندۋمدا شەشىلدى.
كونستيتۋتسيالىق وزگەرىستەر ازاماتتاردىڭ سۇرانىستارىنا نەگىزدەلگەن جانە بۇكىل قوعامنىڭ مۇددەسى ءۇشىن جۇزەگە اسىرىلدى. اسىرەسە ازاماتتاردىڭ قۇقىقتارىن قورعاۋ تەتىگىن كۇشەيتۋگە باعىتتالعان زاڭدارعا ەرەكشە توقتالعىم كەلەدى. وعان سايكەس, كونستيتۋتسيالىق سوت ازاماتتار ءوتىنىشى بويىنشا ولاردىڭ قۇقىقتارى مەن بوستاندىقتارىن تىكەلەي قوزعايتىن نورماتيۆتىك قۇقىقتىق اكتىلەردىڭ كونستيتۋتسياعا سايكەستىگىن قارايدى. ەكىنشىدەن, ءولىم جازاسىن كونستيتۋتسيالىق دەڭگەيدە جويۋ تۋرالى شەشىم تۇپكىلىكتى بەكىتىلدى. ۇشىنشىدەن, پروكۋراتۋرانىڭ جۇمىسى كونستيتۋتسيالىق زاڭمەن بەلگىلەندى. بۇل جۇيەلى قۇقىق قورعاۋ قىزمەتىن جانە مەملەكەت اتىنان ەل اۋماعىندا زاڭدىلىقتىڭ ساقتالۋىن جوعارى قاداعالاۋدى كۇشەيتەدى.
ادام قۇقىقتارى جونىندەگى ۋاكىلدىڭ قانداي دا ءبىر مەملەكەتتىك ورگاندار مەن لاۋازىمدى ادامدارعا تاۋەلدى بولماۋ جانە ەسەپ بەرمەۋ كەپىلدىكتەرىنە يە بولعانى دا حالىقتىڭ نازارىن اۋدارعانى ءسوزسىز. ۋاكىلدىڭ كونستيتۋتسيالىق سوتقا جۇگىنۋگە قۇقىعى بار.
جالپى, بۇل رەفورمالار – اۋقىمدى ساياسي جاڭعىرۋدىڭ اسا ماڭىزدى كەزەڭى. كونستيتۋتسيالىق رەفورما جۇيەلى سيپاتقا يە. ناتيجەسىندە, بارلىق مەملەكەتتىك مودەلدىڭ تيىمدىلىگى ارتادى. كونستيتۋتسيالىق رەفورماداعى وزگەرىستەر ارقىلى ادىلەتتى قازاقستان تەڭدىك پەن ادىلدىكتىڭ تۋىن جەلبىرەتەدى. ەل پرەزيدەنتى قاسىم-جومارت توقاەۆ ازاماتتاردىڭ جاقسى ءومىر سۇرگەنىن قالايدى. وسى كونستيتۋتسيالىق وزگەرىستەر ارقىلى حالىقتىڭ ءال-اۋقاتىن ارتتىرىپ, قوعامداعى جاعدايدى وڭالتقىسى كەلەدى. بۇل وزگەرىستەر ارقىلى ءبىز گۇلدەنگەن, ادىلەتتى قازاقستان قۇرا الامىز. بۇل وزگەرىستەردىڭ اسەرىن ءاربىر قازاقستاندىق سەزىنەتىنىنە سەنىم مول.
مارات ءباشىموۆ,
ەۋروپالىق قۇقىق پەن ادام قۇقىعى ساراپتامالىق ينستيتۋتىنىڭ ديرەكتورى
