Facebook جانە Instagram الەۋمەتتىك جەلىلەرىنە يەلىك ەتەتىن meta كومپانياسى قىزمەتكەرلەردى جاپپاي قىسقارتىپ جاتىر. قازىردىڭ وزىندە 11000-نان استام قىزمەتكەر جۇمىستان شىعارىلادى. بۇل تۋرالى كومپانيا قىزمەتكەرلەرىنە Meta باسشىسى مارك تسۋكەربەرگ ءوزى مالىمدەدى.
«بۇگىن مەن Meta تاريحىنداعى ەڭ قيىن وزگەرىستەر تۋرالى ايتپاقپىن. مەن كوماندامىزدىڭ كولەمىن شامامەن 13% - عا قىسقارتىپ, 11000-نان استام تالانتتى قىزمەتكەرلەرىمىزدى جۇمىستان شىعارۋعا بەل بايلادىم. ءبىز سونداي-اق شىعىنداردى ازايتۋ جانە جۇمىسقا ءموراتوريدى ۇزارتۋ ارقىلى ءتيىمدى كومپانيا بولۋ ءۇشىن بىرقاتار قوسىمشا قادامدار جاسايمىز»,دەدى مارك تسۋكەربەرگ.
ول قابىلدانعان شەشىمگە وكىنەتىنىن جاسىرمادى جانە نەلىكتەن جاعداي بۇلاي بولعانىن ءتۇسىندىردى.
«كوروناۆيرۋستىق پاندەميانىڭ باسىندا الەم تەز ارادا ونلاين فورماتقا كوشتى جانە ەلەكتروندى ساۋدا-ساتتىقتىڭ ۇلعايۋى تابىستىڭ شامادان تىس وسۋىنە اكەلدى. كوپشىلىك بۇل جاعداي پاندەميا اياقتالعاننان كەيىن دە جالعاسادى دەپ ەسەپتەيدى. مەن دە سولاي ىستەمەكپىن, سوندىقتان ينۆەستيتسيامىزدى ايتارلىقتاي ۇلعايتۋ تۋرالى شەشىم قابىلدادىم. وكىنىشكە وراي, ءبارى مەن كۇتكەندەي بولمادى. ينتەرنەتتەگى ساۋدا بۇرىنعى تەندەنتسيالارعا قايتا ورالىپ قانا قويماي, ماكروەكونوميكالىق قۇلدىراۋ, باسەكەلەستىكتىڭ كۇشەيۋى جانە جارنامالىق سيگنالداردىڭ جوعالۋى ء بىزدىڭ تابىسىمىزدى مەن كۇتكەننەن الدەقايدا تومەندەتتى», دەپ جازدى مeta باسشىسى.
ايتا كەتەيىك, قىسقارتىلعان قىزمەتكەرلەر 16 اپتا ىشىندە نەگىزگى جالاقىسىن جانە جۇمىس ىستەگەن ءار جىلى ءۇشىن قوسىمشا ەكى اپتا الادى. سونىمەن قاتار, كومپانيا التى اي ىشىندە جۇمىستان شىعارىلعاندار مەن ولاردىڭ وتباسىلارىنا مەديتسينالىق كومەك شىعىندارىن وتەپ بەرمەك.
