ەۋرازيالىق ەكونوميكالىق وداق شەڭبەرىندە 65 حالىقارالىق قۇجات كودتالادى

استانا. 28 مامىر. ورتالىق كوممۋنيكاتسيالار قىزمەتىندە وتكەن بريفينگتە «ەكونوميكالىق زەرتتەۋلەر ينستيتۋتى» اكتسيونەرلىك قوعامىنىڭ پرەزيدەنتى ماقسات مۇقانوۆ ەۋرازيالىق ەكونوميكالىق وداق قۇرۋ جونىندەگى كەلىسىم-شارت بويىنشا شامامەن 65 حالىقارالىق كەلىسىم-شارت كودتالاتىنىن مالىمدەدى. بۇل تۋرالى primeminister.kz  حابارلادى. م. مۇقانوۆ: «ەڭ الدىمەن حالىقارالىق دەڭگەيدەگى قۇجاتتاردى كودتاۋ كەرەك. ولاردىڭ اراسىندا 65 كەلىسىم مەن ءنورماتيۆتى-قۇقىقتىق قۇجات بار», – دەدى. بريفينگتە بەلگىلى بولعانداي, ەۋرازيالىق ەكونوميكالىق وداقتى قۇرۋ تۋرالى كەلىسىم-شارت نەگىزىندە 19 سالادا ەكونوميكالىق قارىم-قاتىناس ماسەلەلەرى رەتكە كەلتىرىلەدى. بۇلاردىڭ ىشىندە كەدەن, ينۆەستيتسيا, قارجى سەكتورى, ماكروەكونوميكالىق جانە ونەركاسىپتىك ساياسات سىندى ماسەلەلەرى بار. سونداي-اق, «ەكونوميكالىق زەرتتەۋلەر ينستيتۋتىنىڭ» باسشىسى: «كەلىسىم-شارت اياسىندا تاۋەلسىزدىكتىڭ 4 ءتۇرىن رەتتەيتىن ورتاق تاۋار نارىعى قۇرىلادى. ولار: تاۋار, كاپيتال, ەڭبەك رەسۋرستارى مەن قىزمەت كورسەتۋ اينالىمى», – دەدى. م.مۇقانوۆتىڭ ايتۋىنشا, سوڭعى 3-4 جىلدا كەدەن وداعى ەلدەرىنە ەلىمىزدىڭ ەكسپورتتى ەداۋىر وسكەن. جولدىباي بازار. دەرەككوز: primeminister.kz . فوتو: Propertyexperts.ru.