بۇگىنگى تاڭدا ادامزات تاريحىندا جاڭا «كوپورتالىقتى» الەم قالىپتاسۋدا

استانا. 28 مامىر. بۇگىن ءداستۇرلى «ەۋرووداق-رەسەي-قازاقستان: ءوزارا ارەكەتتەستىكتىڭ جاڭا پاراديگماسى» اتتى XII الماتى كونفەرەنتسياسى ءوتتى. بۇل تۋرالى «قازاقپارات» حابارلادى. كونفەرەنتسيادا پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى بولات سۇلتانوۆ: «قازىر جاڭادان قالىپتاسىپ كەلە جاتقان «كوپورتالىقتى» الەم ءوزىنىڭ ۇستەمدىگىن جۇرگىزە باستاۋدا. بۇل جەردە ءبىر ايتا كەتەتىن ءجايت, ساياساتتا دا, ەكونوميكادا دا كوپ پوليارلىق الەم قالىپتاستىرۋ – بولجاپ بولمايتىن ستسەناري بويىنشا داميدى. سايكەسىنشە, ايماقتىق جانە عالامدىق دەڭگەيدە باسەكەلەستىكتەر كۇشەيەدى. دەمەك, ايماقتىق جانە عالامدىق دەڭگەيدە تۇراقسىزدىقتار ورىن الادى. وسىعان بايلانىستى مەملەكەت باسشىسى VII استانا ەكونوميكالىق فورۋمىندا سويلەگەن سوزىندە, الەم قاي باعىتتا دامىسا دا, وعان دايىن بولۋ كەرەكتىگىن اتاپ ءوتتى. مىسالى, عالامدىق قارجى داعدارىسى ءالى كۇنگە دەيىن جالعاسىپ كەلەدى. وعان قوسا, قارقىندى دامىپ جاتقان بريكس (قارقىندى دامىپ جاتقان بەس مەملەكەتتىڭ بىرلەسكەن توبى – برازيليا, رەسەي, ءۇندىستان, قىتاي جانە وڭتۇستىك افريكا رەسپۋبليكاسى) ەلدەرىن ايتا كەتۋ كەرەك. مۇندا رەسەي مەن قىتاي بولاشاقتا ەكونوميكالىق دامۋدا اقش-تى ىعىستىرۋى ابدەن مۇمكىن», – دەدى. سونداي-اق, ول بۇرىنعى ءبىر پوليارلىق جانە قوس پوليارلىق الەم ءوزىنىڭ دارمەنسىزدىك تانىتىپ وتىرعانىنا توقتالدى. جولدىباي بازار. دەرەككوز: «قازاقپارات». فوتو: quorum.kz.