ەۋرازيالىق ەكونوميكالىق وداق – تۇراقتى ءارى قۋاتتى دامۋ باسپالداعى

استانا. 28 مامىر. ەۋرازيالىق ەكونوميكالىق وداق  كەدەندىك كەدەرگىلەردى جويىپ, ەل ەكونوميكاسىن كوتەرۋگە جول اشادى. استانا قالاسىنىڭ اكىمى يمانعالي تاسماعامبەتوۆ وسىلاي دەدى. بۇل تۋرالى astana.kz حابارلادى. ونىڭ ايتۋىنشا, ەۋرازيالىق ەكونوميكالىق وداق توڭكەرىس تابالدىرىعىندا تۇرعان الەمدە باسەكەگە توتەپ بەرىپ, كوش ىلگەرى جىلجيدى. ساۋدا-ساتتىق, مۇناي, گاز تاسىمالى, كولىك قاتىناسىندا كەدەرگى بولمايدى. يمانعالي تاسماعامبەتوۆ: «دۇنيەجۇزىلىك ەكونوميكالىق فورۋمنىڭ مالىمەتىنشە, جاھاندىق باسەكەلەستىكتىڭ يندەكسى قازاقستاندىق بيزنەستىڭ باسەكەگە قابىلەتتىلىگى 50-ورىندا. رەسەي 64, بەلورۋس ەلى 94-ورىندا ەكەن. مەنىڭشە, ءححى عاسىردا قاي ەلدىڭ بولماسىن ۇلىلىعى مەن قارىمىن يننوۆاتسيالىق, اقپاراتتىلىق جانە كاسىپكەرلىك قابىلەتىنەن پايىمداۋعا بولادى. سوندىقتان ەۋرازەو باسەكەگە قابىلەتتىلىكتى ارتتىرىپ, ەكونوميكالىق كەڭىستىككە جول اشادى دەپ سەنەمىن», – دەدى. استانا قالاسى اكىمى ايتقانداي, ەۋرازيالىق ەكونوميكالىق وداققا مۇشە ەلدەر ءبىر-ءبىرىنىڭ ىشكى ىسىنە ارالاسپاي, ەگەمەندىك پەن مەملەكەتتىك شە­كارالارعا قول سۇقپايدى. سونىسىمەن-اق ەۋرازيالىق وداق تۇراقتى ءارى قۋاتتى, ءتيىمدى تۇستارىمەن كوپشىلىك قولداۋىنا يە بولدى. بۇل ساياسي-ەكونوميكالىق بايلانىسى بەرىك, ءوزارا ىنتىماقتاستىق قارىم-قاتىناستى ساقتاپ كەلە جاتقان مەملەكەتتەردىڭ دامۋىنىڭ جاڭا بەلەسى بولماق. جولدىباي بازار. دەرەككوز: astana.kz. فوتو: news.nur.kz.