وقۋ سەمينارلارى بارىسىندا قاتىسۋشىلارعا تاۋاردى تاڭبالاۋ مەن قاداعالاۋدىڭ اقپاراتتىق جۇيەسى, ونىمەن قالاي جۇمىس ىستەۋ كەرەكتىگى, جۇيەنىڭ قانداي ارتىقشىلىقتارى بار ەكەندىگى تۇسىندىرىلەدى. بىرىڭعاي وپەراتور وكىلدەرى تسيفرلىق تاڭبالاۋ جۇيەسىندە جۇمىس ىستەۋدى جانە بيزنەسكە ارنالعان Naqty Sauda Akt ءموبيلدى قوسىمشاسىن پايدالانۋدى ۇيرەتەدى. ونىڭ كومەگىمەن كومپيۋتەردى پايدالانباي-اق قۇجاتتاردى قابىلداپ, راستاۋعا بولادى. سونىمەن قاتار «اۆتوماتتى تۇردە جۇيەدەن شىعارۋ» سەرۆيسى تانىستىرىلۋدا. ول ارقىلى كاسىپكەرلەر «تەمەكى ونىمدەرى» تاۋار توبىندا تاڭبالاۋ كودتارىنىڭ اۆتوماتتى تۇردە شىعارىلۋىمەن قابىلداۋ-بەرۋ اكتىلەرىن راستايدى.
ەاەو ەلدەرىندە, ونىڭ ىشىندە قازاقستاندا دا تسيفرلىق تاڭبالاۋ DataMatrix ەكى ولشەمدى كودىنىڭ كومەگىمەن جۇزەگە اسىرىلادى. كاسىپكەرلەر تاۋارعا كودتى قولدانادى, ال تۇتىنۋشىلار ونى Naqty Onim قوسىمشاسىنىڭ كومەگىمەن سكانەرلەي الادى.
تسيفرلىق تاڭبالاۋ ەكوجۇيەسىندە ءۇش ءموبيلدى قوسىمشا بار. Naqty Onim قوسىمشاسى تۇتىنۋشىعا تاڭبالانعان ءونىم تۋرالى بارلىق اقپاراتتى ۇسىنادى. ال Naqty Sauda Kassa قوسىمشاسى 2D سكانەرىن ساتىپ الۋ مۇمكىندىگى جوق بولشەك ساۋدا ءۇشىن جاسالعان. Naqty Sauda Akt قوسىمشاسى قابىلداۋ-تاپسىرۋ اكتىلەرىن راستاۋعا جانە قابىلداماۋعا مۇمكىندىك بەرەدى.
سونىمەن قاتار بىرىڭعاي وپەراتور قازاقستاننىڭ IT-قاۋىمداستىعىن بيزنەسكە بارىنشا ىڭعايلى جانە بەيىمدەلۋ ۇدەرىسىن جاساۋ ءۇشىن تسيفرلىق تاڭبالاۋ ەكوجۇيەسىن بىرلەسىپ دامىتۋعا شاقىردى. قازىرگى ۋاقىتتا IT كومپانيالارمەن كەزدەسۋلەر وتكىزىلىپ, جۇيەنى بىرىكتىرۋ جوسپارلارى ازىرلەنەدى.
بۇگىندە بىرىڭعاي تسيفرلىق تاڭبالاۋ وپەراتورى پەتروپاۆل, كوكشەتاۋ, قوستاناي, اقتاۋ, اتىراۋ, اقتوبە, ورال, قىزىلوردا, تۇركىستان, شىمكەنت, تاراز, قاراعاندى, استانا, وسكەمەن قالالارىندا وقىتۋ سەمينارلارىن وتكىزدى. سەمينارلار باسقا قالالاردا دا جالعاسادى.
ەستەرىڭىزگە سالا كەتەيىك, 2022 جىلدىڭ 13 شىلدەسىندە تسيفرلىق تاڭبالاۋ تەمەكى ونىمدەرىن سايكەستەندىرۋ ءۇشىن بۇرىن قولدانىلعان اكتسيزدىك ماركانىڭ فۋنكتسياسىن تولىعىمەن اۋىستىردى. ەندى تەمەكى ونىمدەرىنىڭ تسيفرلىق تاڭبالاۋ كودى جوق اينالىمى ءۇشىن جوسىقسىز كاسىپكەرلەردەن تاۋار تاركىلەنىپ, ليتسەنزيادان ايىرىپ, ولارعا ايىپپۇل سالىنادى.
وسى جىلدىڭ تامىز ايىندا كونتراباندا تاڭبالانباعان 4 ملن-نان استام قوراپ تەمەكىنى قازاقستانعا اكەلۋگە تىرىسقان. اتالعان بۇزۋشىلىقتار بويىنشا بيۋدجەتكە تولەنۋگە جاتاتىن كەدەندىك تولەمدەردىڭ, سالىقتاردىڭ جانە اكتسيزدىڭ الدىن الا سوماسى 1,2 ملرد تەڭگەنى قۇرادى.
