قۇجاتقا مىسىردا ءوتىپ جاتقان كليماتتىڭ وزگەرۋى جونىندەگى جاھاندىق كونفەرەنتسيانىڭ (COP27) الەمدىك كوشباسشىلار ءسامميتى اياسىندا قر پرەمەر-ءمينيسترى ءاليحان سمايىلوۆ پەن Fortescue كومپانياسىنىڭ باسشىسى ەندريۋ فوررەست قول قويدى.
«كەلىسىمدى ىسكە اسىرۋ ەلىمىزدىڭ 2030 جىلعا قاراي پارنيكتىك گاز شىعارىندىلارىن 15%-عا ازايتۋ جانە 2060 جىلعا قاراي كومىرتەگى بەيتاراپتىعىن قامتاماسىز ەتۋ بويىنشا بيىك ماقساتتارعا قول جەتكىزۋىنە ۇلەس قوسادى دەپ كۇتىلۋدە. الداعى جوبالار كەشە قازاقستان مەن ەۋرووداق اراسىندا قول قويىلعان ءوزارا تۇسىنىستىك تۋرالى مەموراندۋم اياسىندا ەۋروپالىق نارىققا جەتكىزۋ جوسپارلانىپ وتىرعان «جاسىل» سۋتەگىنىڭ اۋقىمدى كولەمىن وندىرۋگە ارنالعان», دەلىنگەن حابارلامادا.
ايتا كەتسەك, «تازا» سۋتەگىن ءوندىرۋدىڭ قولجەتىمدى تەحنولوگيالارىن ەنگىزۋ قازاقستانعا 5-7 جىلدان كەيىن وسى وتىننىڭ الەمدىك ءىرى جەتكىزۋشىلەرىنىڭ بىرىنە اينالۋىنا مۇمكىندىك بەرەدى.
ءاليحان سمايىلوۆ «جاسىل» سۋتەگىن ءوندىرۋ جوباسى وڭىردەگى وسىنداي ءىرى جوبالاردىڭ ءبىرى ەكەنىن اتاپ ءوتتى.
ول قر ۇكىمەتى «جاسىل» ەنەرگەتيكا سەكتورىنداعى جەكە كومپانيالاردىڭ ۇلەسىن ارتتىرۋ ءۇشىن ينۆەستيتسيالار تارتۋ جۇيەسىن قايتا قاراعانىن اتاپ ءوتتى.
ء«بىزدىڭ دەكاربونيزاتسيانى ىنتالاندىرۋ ءتاسىلىمىز نارىقتىق تەتىكتەر مەن جەكە ينۆەستيتسيالاردى بارىنشا پايدالانۋعا نەگىزدەلەدى», دەدى پرەمەر-مينيستر.
ءوز كەزەگىندە ەندريۋ فوررەست «جاسىل» سۋتەگىن ءوندىرۋ جانە قولدانۋ اۋىر ونەركاسىپتى دەكاربونيزاتسيالاۋعا, جۇمىس ورىندارىن قۇرۋعا جانە جالپى ەنەرگەتيكا سالاسىنىڭ تۇراقتىلىعىن ارتتىرۋعا سەپتىگىن تيگىزەتىنىن اتاپ ءوتتى.
ء«بىز وسى الەۋەتتى تەزىرەك ىسكە اسىرۋعا كومەكتەسۋ ءۇشىن جۇمىس تاسىلدەرىمىز بەن مۇمكىندىكتەرىمىزدى قازاقستانمەن قۋانا بولىسەمىز», دەدى ەندريۋ فوررەست.
