بۇگىندە ەلىمىزدە ينتەرنەت قىزمەتىن قولدانۋشىلار سانى كوبەيگەن سايىن قازاق ءتىلدى كونتەنتتى دامىتۋعا مەملەكەت تاراپىنان ەرەكشە كوڭىل ءبولىنىپ كەلەدى.
وعان دالەل رەتىندە ناۋرىز ايىنان باستاپ «ۇلتتىق ينتەرنەت اسسوتسياتسياسى» جانە «قازاق سوفتۆەرلىك كومپانيالار اسسوتسياتسياسىنىڭ (Kazakh Software Companies Assosiation)» باستاماسىمەن “بلوگيادا. ساپالى كونتەنتكە ميلليون” اتتى جارىستىڭ وتكىزىلىپ كەلە جاتقانىن ايتۋعا بولادى. بۇل تۋرالى egemen.kz ءتىلشىسى حابارلادى.
جارىستىڭ ماقساتى – بلوگشىلاردىڭ جازبالارىن جاڭا دەڭگەيگە كوتەرۋ, قازاق ءتىلدى كونتەنتتى ساپالى ءارى ءماندى جازبالارمەن ارتتىرۋ. ءدال قازىر جارىستىڭ ءبىرىنشى كەزەڭى اياقتالىپ, 32 بلوگشىدان 16 ۇزدىك انىقتالدى.
شارانىڭ قوناعى دجوش ستادل اقش-تا قازاقستان تۋرالى ەكى بلوگ جۇرگىزەتىنىن ايتتى. kazakhworld.com جانە kazsocial.com بلوگتارىندا قازاقستاننىڭ مادەني, الەۋمەتتىك ءومىرى جايلى پوستتار جازىلاتىنىن ايتىپ, ءوز جوبالارىن تانىستىردى.
قازاق سوفتۆەرلىك كومپانيالار اسسوتسياتسياسىنىڭ (Kazakh Software Companies Assosiation) پرەزيدەنتى ازاماتحان ءامىرتاي سايىسقا قاتىسۋشىلارعا ساتتىلىك تىلەپ, 16-لىققا وتكەن ۇمىتكەرلەردى قۇتتىقتادى.
بلوگياداشىلاردىڭ اراسىندا توپ جارىپ تۇرعان اسقار بازارباي ۇيىمداستىرۋشىلار مەن ادىلقازى مۇشەلەرىنە العىس ايتۋدا.
شارانىڭ ارنايى قوناعى, بلوگيادانىڭ اقىلداستار القاسىنىڭ توراعاسى يراك ەلەكەەۆ سايىستىڭ ماڭىزدىلىعىن ءتۇسىندىرىپ, قاتىسۋشىلارعا ساتتىلىك تىلەدى.
دانيار الان.
