«وڭىردەگى كوپتەگەن سپورت نىسانىنا جوندەۋ جۇرگىزۋ قاجەت. سونىمەن بىرگە, رەسپۋبليكالىق جانە حالىقارالىق جارىستار وتكىزەتىن جاڭا سپورت كەشەندەرىن سالۋ كەرەك. جالپى, كوپ شىعىندى تالاپ ەتپەيتىن سپورت تۇرلەرىن دامىتقان ءجون. مىسالى, شاحمات, ۇستەل تەننيسى, توعىزقۇمالاق, ساداق اتۋ, قازاقشا كۇرەس. بۇل قادام, ەڭ الدىمەن, بالالارىمىزدى تەرىس ادەتتەن الىستاتادى جانە سپورت زالدارىنىڭ تاپشىلىعىن ازايتۋعا مۇمكىندىك بەرەدى», دەدى پرەزيدەنت.
قاسىم-جومارت توقاەۆ بۇل ماسەلەردى پىسىقتاۋدى اكىمدىككە تاپسىردى.
«تاعى ءبىر ايتايىن دەگەنىم, ەسكەرتكىشتەر قويا بەرگەننەن گورى, سپورت جانە مەديتسينا نىساندارىن سالۋعا باسا نازار اۋدارۋ قاجەت. بۇل اتىراۋ وبلىسىنا عانا ەمەس, بۇكىل ەلىمىزگە قاتىستى ماسەلە», دەدى مەملەكەت باسشىسى اتىراۋ جۇرشىلىعىمەن كەزدەسۋىندە.
