پاۆلودار وبلىسىندا كولىكتىك ينفراقۇرىلىمدى دامىتۋ جوسپارلانعان

استانا. 28 مامىر. ەكونوميكالىق ىقپالداستىق اياسىندا پاۆلودار وبلىسىندا كولىكتىك ينفراقۇرىلىمدى دامىتۋعا زور كوڭىل بولىنگەلى تۇر. بۇل تۋرالى پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن «ەۋرازيالىق ينتەگراتسيا اياسىنداعى وڭىرارالىق ءوزارا ءىس-قيمىل ماسەلەلەرى» اتتى بريفينگتە پاۆلودار وبلىسى اكىمىنىڭ ءبىرىنشى ورىنباسارى دۇيسەنباي تۇرعانوۆ ايتتى. BNews.kz ءتىلشىسىنىڭ وسىعان وراي حابارلاۋىنشا, بىرىڭعاي كولىكتىك ورتا قالىپتاستىرۋداعى بۇل قادامنىڭ بەرەرى مول. «ەكونوميكالىق ىقپالداستىقتىڭ ماڭىزدى باعىتى – بىرىڭعاي كولىكتىك ورتا قالىپتاستىرۋ. قازاقستان ەۋرازيا قۇرىلىعىنىڭ ورتاسىندا ورنالاسقان, ياعني وسى زامانعى كولىكتىك ينفراقۇرىلىمدى قالىپتاستىرۋ مەن دامىتۋ جۇمىسى جۇرگىزىلەدى. بىزدە استانا – پاۆلودار – وسكەمەن جاڭا اۆتوموبيل جولى سالىنىپ جاتىر. ومبى – مايقاپشاعاي تراسساسى قايتادان جاڭارتىلۋدا», - دەدى د.تۇرعانباي. پاۆلودار قالاسىندا كولىكتىك-لوگيستيكا تەرمينالىن سالۋ جوسپارلانىپ وتىر. ول الەمدىك تالاپتارعا جاۋاپ بەرەتىن ءىرى قويما-تەرمينال بولماق. «وسىنىڭ بارلىعى قازاقستان جانە رەسەي اراسىنداعى جۇك اعىنىن ارتتىرۋعا مۇمكىندىك بەرەدى, جۇك تاسۋ ۋاقىتىن قىسقارتادى. بۇگىندە بىزدە ماسكەۋ, سانكت-پەتەربور, مينسك قالالارىنا دەيىن اۋە باعىتى جۇزەگە اسىرىلىپ وتىر. ءبىز قازىر ومبى, ءنوۆوسىبىر جانە بارناۋىلعا اۋە رەيسىن اشۋ جونىندە كەلىسسوزدەر جۇرگىزىپ جاتىرمىز», - دەگەندى قوستى ول. مۇرات ايتقوجا. دەرەككوز: Primeminister.kz. فوتو: hvylya.org.