ەكونوميكالىق وداق كەدەن وداعىنىڭ جۇمىسىن جانداندىرا تۇسەدى

استانا. 28 مامىر. ىقپالداستىق ۇدەرىستەرىن كۇشەيتۋ ىسكەرلىك بەلسەندىلىكتى جۇرگىزۋگە ارنالعان شارتتاردى قارقىندى تۇردە دامىتا تۇسەدى. بۇل تۋرالى BNews.kz تىلشىسىنە بەرگەن سۇحباتىندا «KAZNEX INVEST» ەكسپورت جانە ينۆەستيتسيالار ۇلتتىق اگەنتتىگى باسقارما توراعاسىنىڭ ورىنباسارى مەيىرجان مايكەنوۆ مالىمدەدى. «كەدەن وداعى ىقپالداستىق ۇدەرىسىنىڭ ءبىرىنشى كەزەڭى بولدى. ول ءبىزدىڭ بيزنەس ءۇشىن باسىمدىقتار بەرەدى. سوڭعى 5 جىلدىڭ ىشىندە كەدەن وداعى اياسىنداعى تاۋار اينالىمى 88 پايىزعا ارتىپ, بۇگىنگى تاڭدا ول 24,3 ملرد. اقش دوللارىنا جەتتى. بۇل رەتتە وداق شەڭبەرىندەگى تاۋار اينالىمى 18,5 پايىزعا ۇلعايعانىن دا اتاپ وتكەن ءلازىم. ناقتىراق ايتقاندا, تاۋار اينالىمى قۇرىلىمىنىڭ باسىم بولىگىن يمپورت قۇرايدى. ول 18,4 ملرد. اقش دوللارى شامالاس. ونىڭ 70 پايىزعا جۋىعى وتاندىق ونەركاسىپتىك كەشەن ءۇشىن تاريحي تۇرعىدان العاندا دا قاجەتتى تاۋارلار, ياعني شيكىزات, ارالىق تاۋارلار, وندىرىسكە قاجەتتى قۇرالدار بولىپ تابىلادى. كەدەن وداعى قۇرىلماي تۇرىپ تا جاعداي وسىنداي بولاتىن, سەبەبى رەسەي قازاقستاننىڭ نەگىزگى ساۋدا سەرىكتەسى», - دەيدى م.مايكەنوۆ. ونىڭ پىكىرىنشە, كەدەن وداعىنان قازاقستانعا يمپورتتالاتىن تاۋارلاردىڭ ۇشتەن ءبىر بولىگى تۇتىنۋشىلار تاۋارلارى. ولار وتاندىق ونىمگە دەگەن باسكەلەستىك ورتا قالىپتاستىرادى. ال بۇل تاۋارلاردىڭ جارتىسىنا جۋىعى – ججم مەن جەڭىل اۆتوكولىكتەر. «ەكسپورت ماسەلەسىنە كەلسەك, ساپا قۇرىلىمىنىڭ وزگەرىسكە ۇشىراعانىن ەرەكشە اتاپ وتكىم كەلەدى. قازاقستان شيكىزاتقا قاراعاندا قايتا وڭدەلگەن جانە دايىن تاۋارلاردى كوبىرەك سىرتقا شىعارىپ جاتىر. بۇگىنگى كۇنى ولاردىڭ ۇلەسى سايكەسىنشە 40 جانە  60 پايىزدى قۇرايدى. بيزنەستى جۇرگىزۋگە قولايلى جاعدايلاردى جاساۋ جانە كەدەن وداعى اياسىندا ءوزارا ساۋدانى ىرىقتاندىرۋ داعدارىس كەزەڭىندە دايىن تاۋارلاردى جەتكىزۋ كولەمىن ءبىر دەڭگەيدە ۇستاپ قانا قويماي, ونى ارتتىرۋعا دا مۇمكىندىك بەردى. ونىڭ ىشىندە, شاعىن جانە ورتا بيزنەس كاسىپورىندارى ونىمدەرى دە بار», - دەدى اگەنتتىك توراعاسىنىڭ ورىنباسارى. مەيىرجان مايكەنوۆ. كەلەسى كەزەكتە ول دايىن ونىمدەر ەكسپورتىنىڭ 33 پايىزى رەسەي مەن بەلارۋسكە تيەسىلى ەكەنىن ايتتى. بۇعان قوسا, كەيبىر تاۋارلار بويىنشا ەكسپورت كولەمى ارتىپ كەلەدى. «ناقتى مىسال رەتىندە رەسەيگە جەتكىزىلەتىن كونديتەر ونىمدەرىنىڭ 7 ەسە ارتقانىن ايتۋعا بولادى. ەكسپورتتى ۇلعايتۋدىڭ ارقاسىندا كامپيتتەر مەن شوكولاد وندىرۋشىلەرى وندىرىستەردى جاڭعىرتىپ, باسەكەگە قابىلەتتىلىكتەرىن ارتتىرا ءتۇستى. سىرتقا شىعارىلاتىن ترانسفورماتورلار 4 ەسەدەي, تسەمەنت پەن كۇرىش كھلەمى 5 ەسەگە وسكەن. ەكسپورت كولەمىن ارتتىرۋعا كەدەندىك راسىمدەردىڭ الىپ تاستالۋى, تەحنيكالىق رەگلامەنتتەر مەن سەرتيفيكاتتاردىڭ ۇيلەسىمدە بولۋى جاعداي جاساپ وتىر. ءبىز ەۋرازيالىق ەكونوميكالىق وداقتان دا وسىنداي ينتەگراتسيالىق ناتيجەنى كۇتىپ وتىرمىز. ىقپالداسۋ ۇدەرىستەرىن كۇشەيتۋ ىسكەرلىك بەلسەندىلىكتى جۇرگىزۋگە ارنالعان شارتتاردى قارقىندى تۇردە دامىتا تۇسپەك جانە بۇل بيزنەستىڭ مەملەكەت سىرتىندا دا دامۋىنا اسەر ەتپەي قويمايتىنى ءسوزسىز», - دەپ قورىتتى م.مايكەنوۆ. مۇرات ايتقوجا. دەرەككوز: BNews.kz. ءراسىم: atnews.org.