مەملەكەت باسشىسى اڭگىمەلەسۋ بارىسىندا ەكى ەل اراسىنداعى ستراتەگيالىق سەرىكتەستىك پەن وداقتاستىق قاتىناستاردى ودان ءارى كەڭەيتىپ, تاتۋ كورشىلىك بايلانىستاردى نىعايتۋ ماڭىزدى ەكەنىن اتاپ ءوتتى. سونىمەن قاتار بۇعان دەيىن جوعارى دەڭگەيدە قول جەتكىزىلگەن ۋاعدالاستىقتاردى ءتيىمدى جۇزەگە اسىرۋ قاجەتتىگىنە نازار اۋداردى.
سونداي-اق پرەزيدەنت قازاقستاننىڭ اۋستريا رەسپۋبليكاسىنداعى توتەنشە جانە وكىلەتتى ەلشىسى, قازاقستان رەسپۋبليكاسىنىڭ ۆەنا قالاسىنداعى حالىقارالىق ۇيىمدار جانىنداعى تۇراقتى وكىلى بولىپ تاعايىندالعان الىبەك باقاەۆتى قابىلدادى. كەزدەسۋدە اۋستريامەن جانە سالالىق حالىقارالىق ۇيىمدارمەن قارىم-قاتىناستىڭ قارقىنىن ارتتىرىپ, ساۋدا-ەكونوميكالىق جانە ينۆەستيتسيالىق ىنتىماقتاستىققا ەرەكشە ءمان بەرۋ قاجەت ەكەنى ايتىلدى.
سونىمەن قاتار قاسىم-جومارت توقاەۆ قازاقستاننىڭ جاڭادان تاعايىندالعان ەلشىلەرىنە سەرىكتەس مەملەكەتتەرمەن اراداعى ەكىجاقتى جانە كوپجاقتى فورماتتاعى قارىم-قاتىناستاردى ودان ءارى نىعايتۋ جونىندە بىرقاتار ناقتى تاپسىرما بەردى.
