وزا شاۋىپ بايگە الدى

بەلورۋسسيا استاناسى مينسك قالاسىندا  ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى تمد سىيلىعىمەن ماراپاتتالدى. تاۋەلسىز مەملەكەتتەر دوستاستىعى ەلدەرىنىڭ ەكونوميكالىق كەڭەسى 2013 جىلعى قىزمەت كورسەتۋ جانە ءونىم ساپاسى جونىندەگى بايقاۋدىڭ  جەڭىمپازدارىن جاريا ەتتى. ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى «قىزمەت كورسەتۋ» اتالىمى بويىنشا عىلىمي تابىستارى ءۇشىن  تاۋەلسىز مەملەكەتتەر دوستاستىعى سىيلىعىنىڭ يەگەرى اتاندى. كەشە مينسكىدە تمد اتقارۋشى كوميتەتىنىڭ اتقارۋشى حاتشىسى سەرگەي لەبەدەۆ  ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆقا ارنايى ديپلوم مەن سىيلىقتى تابىس ەتتى. جەڭىمپازداردى ازەربايجان, ار­مەنيا, بەلارۋس, قازاقستان, قىرعىزستان, مولدوۆا, رەسەي, تاجىكستان, تۇرىكمەنستان سەكىلدى تمد-عا مۇشە 11 مەملەكەتتىڭ ۇكىمەت جەتەكشىلەرى انىقتادى.تاۋەلسىز مەملەكەتتەر دوستاس­تىعى ەلدەرىنىڭ قىزمەت كورسەتۋ جانە ءونىم ساپاسى جونىندەگى سىيلىعى بايقاۋى ەكى جىلدا ءبىر رەت   كونكۋرستىق نەگىزدە وتكىزىلەدى. ونىڭ ىشىنەن بىرنەشە مارتە ساراپتاۋ­دان, ۇزدىكتەر اراسىنداعى سۇزگىدەن وتكەندەر عانا ماراپاتتالادى. تمد ەلدەرى ەكونوميكالىق كەڭەسىنىڭ سىيلىعى ۇيىمعا مۇشە مەملەكەتتەردىڭ كاسىپورىندارى وندىرەتىن ونىمدەر مەن  جوعارى وقۋ ورىندارىنداعى ءبىلىم بەرۋ ساپاسىن جانە جاڭا ەكونوميكالىق جاعىنان ءتيىمدى يننوۆاتسيالىق جوبالاردى باعالاۋ ءۇشىن ۇيىمداستىرىلىپ كەلەدى. ەركىن بايعابىل ۇلى.