مەتەورولوگتاردىڭ مالىمەتىنشە, 4 قاراشا كۇنى تۇستەن كەيىن سولتۇستىك قازاقستان وبلىسىنىڭ باسىم بولىگىندە جاۋىن-شاشىن كۇتىلەدى.
قىزىلوردا وبلىسىندا وبلىس ورتالىعىندا سەكۋندىنا 15-20 مەتر وڭتۇستىك جەل سوعادى دەپ كۇتىلۋدە.
ۇلىتاۋ وبلىسىنىڭ باتىسىندا, سولتۇستىگىندە وڭتۇستىك, وڭتۇستىك-باتىس جەل سوعادى. ەكپىنى سەكۋندىنا 15-20 مەترگە جەتۋى مۇمكىن.
تۇندە جانە تاڭەرتەڭ جەتىسۋ وبلىسىنىڭ تاۋلى اۋداندارىندا تۇمان مەن قاتتى جەل كۇتىلەدى.
كۇندىز تۇركىستان وبلىسىنىڭ تاۋلارىندا قاتتى جاڭبىر, تۇمان جانە جەل كۇتىلەدى.
تۇندە جانە تاڭەرتەڭ اباي وبلىسىنىڭ سولتۇستىگىندە, وڭتۇستىگىندە, ورتالىعىندا تۇمان كۇتىلەدى.
باتىس قازاقستان وبلىسىندا تۇندە جانە تاڭەرتەڭ تۇمان, كوكتايعاق بولۋى مۇمكىن.
اقتوبە وبلىسىنىڭ سولتۇستىگىندە جولدا كوكتايعاق بولاتىنى حابارلاندى. جەل وڭتۇستىك-باتىستا, كۇندىز شىعىستا سولتۇستىك-باتىسقا اۋىسادى, وبلىستىڭ ورتالىعىندا جەل ەكپىنى سەكۋندىنا 15-18 مەترگە جەتۋى مۇمكىن.
