«3 قاراشادا «ارسەلورميتتال تەمىرتاۋ» اق كد «لەنين اتىنداعى» شاحتاسىندا اپات ورىن الدى. سوڭعى مالىمەتتەرگە سايكەس بەس كەنشى قايتىس بولدى. وسىعان بايلانىستى مەنىڭ وكىمىممەن توتەنشە جاعدايلار ءمينيسترى يۋري يلين جەتەكشىلىك ەتەتىن ۇكىمەتتىك كوميسسيا قۇرىلدى. ونىڭ قۇرامىنا ۋاكىلەتتى مينيسترلىكتەردىڭ, جەرگىلىكتى اتقارۋشى ورگانداردىڭ جانە كاسىپوداق ۇيىمدارىنىڭ وكىلدەرى كىردى», دەپ جازدى ءاليحان سمايىلوۆ ءوزىنىڭ Facebook پاراقشاسىندا.
ونىڭ ايتۋىنشا, قازا تاپقاندار مەن زارداپ شەككەندەردىڭ وتباسىلارىنا جان-جاقتى كومەك كورسەتىلەدى.
«بيىل جازدا «ارسەلورميتتال تەمىرتاۋ» اق-عا بارعان كەزىمدە مەن كومپانيا باسشىلىعىنا كەنشىلەر ءۇشىن قاۋىپسىز ەڭبەك جاعدايلارىن جاساۋ, ءوندىرىستى جاڭعىرتۋعا ينۆەستيتسيالار ءبولۋ جونىندە كەشەندى شارالار قابىلداۋ قاجەت ەكەنىن ايتقان بولاتىنمىن. ۇكىمەتتىك كوميسسيا الدىنا اپات سەبەپتەرىن وبەكتيۆتى تەكسەرۋ, شۇعىل ماسەلەلەردى شەشۋ, سونداي-اق قازا تاپقاندار مەن زارداپ شەككەندەردىڭ وتباسىلارىنا جان-جاقتى كومەك كورسەتۋ بويىنشا مىندەتتەر قويىلدى. قازا بولعانداردىڭ تۋىستارى مەن جاقىندارىنا قايعىرىپ كوڭىل ايتامىن», دەدى پرەمەر-مينيستر.
