قالالىق كەڭسەدە وتكەن ءباسپاسوز ماسليحاتىندا سەۋل مەرى اپات ءۇشىن كەشىرىم سۇرادى. سونداي-اق ول كوپ ادام جينالعان جەرلەردە تراگەدياعا جول بەرمەۋ ءۇشىن قالا اكىمشىلىگى بارلىق شارالاردى قولداناتىنىن مالىمدەدى.
ايتا كەتسەك, جەرگىلىكتى باق-تا قالا اكىمشىلىگى مەن پوليتسيانىڭ يتحەۆونداعى جاعدايدى باقىلاي الماعانى تۋرالى ماسەلە قىزۋ تالقىلانىپ جاتىر. الەۋمەتتىك جەلىلەردە حالىق قالالىق اكىمدىكتىڭ جازاتايىم وقيعانى الدىن الۋ شارالارىن قابىلداۋى ءتيىس ەدى دەگەن پىكىرلەر قالدىرۋدا.
بۇگىن پوليتسيانىڭ ارنايى تەرگەۋ توبى سەۋل قالالىق پوليتسيا باسقارماسى, ەنسان پوليتسيا ءبولىمى جانە تاعى التى كەڭسەدە پوليتسيانىڭ يتحەۆونداعى ادامداردىڭ ولىمىنە اكەلگەن ارەكەتسىزدىگىن تەرگەۋ اياسىندا رەيد جۇرگىزدى. بۇعان دەيىن ۇلتتىق پوليتسيا باسقارماسى قايعىلى وقيعادان 4 ساعات بۇرىن يتحەۆوندا ادامدار تىم كوپ جينالىپ جاتقانى تۋرالى 11 جەدەل شاقىرتۋ تۇسكەنىن, بىراق ەش ارەكەت جاسالماعانىن مويىنداعان ەدى.
ەسكە سالساق, سەۋلدە حەللوۋين مەرەكەسىن تويلاۋ كەزىندە كەمىندە 150-دەن استام ادام قازا تاپتى, ونىڭ 19-ى شەتەلدىك ازامات.
