بيىلعى جىلدىڭ قاڭتار-قىركۇيەك ايلارىندا ەلىمىزدە 1,6 مىڭ قىلمىستىق سىبايلاس جەمقورلىق قۇقىق بۇزۋشىلىق تىركەلگەن, بۇل بىلتىرعىدان 11,1%-عا ارتىق كورسەتكىش.
وڭىرلىك تۇرعىدا ەڭ كوپ سىبايلاس جەمقورلىق قۇقىق بۇزۋشىلىقتار قاراعاندى وبلىسىندا تىركەلگەن: 207 وقيعا. كەلەسى ورىندا استانا (144 جاعداي) مەن شىمكەنت (129 جاعداي) تۇر.
قىلمىستاردىڭ باسىم بولىگى اۋىر دارەجەدە – 1,1 مىڭ ءىس. 342 جاعداي ورتاشا اۋىرلىق دارەجەسىندە, 69 جاعداي جەڭىل دارەجە جانە 25 جاعداي ەرەكشە اۋىر ساناتقا جاتقىزىلدى.
ءجيى جاسالاتىن قىلمىستاردىڭ قاتارىندا پارا الۋ (424 جاعداي) جانە الاياقتىق (280 جاعداي). ودان كەيىن لاۋازىمدىق وكىلەتتىكتەردى اسىرا پايدالانۋ (112 ءىس), سونداي-اق باسقالاردىڭ سەنىپ تاپسىرىلعان مۇلكىن يەمدەنۋ نەمەسە جىمقىرۋ (98 ءىس).
ءبىر قىزىعى, جىل باسىنان بەرى سىبايلاس جەمقورلىق قىلمىستارى بويىنشا سوتقا تارتىلعاندار سانى 639 ادامدى قۇراپ, 13,5 پايىزعا ازايعان.
مەملەكەتتىك ورگانداردىڭ قىزمەتكەرلەرى اراسىندا سىبايلاس جەمقورلىق قىلمىستارىن كوبىنەسە اكىمدىكتەر مەن ولاردىڭ قۇرىلىمدىق بولىمشەلەرىنىڭ قىزمەتكەرلەرى جاسادى - 118 ادام. ودان كەيىنگى ورىندا ىشكى ىستەر ورگاندارىنىڭ قىزمەتكەرلەرى - 112 ادام جانە قارجى مينيسترلىگىنىڭ قىزمەتكەرلەرى - 39 ادام.
سونداي-اق جىل باسىنان بەرى 5 اكىم, 1 سۋديا, سىبايلاس جەمقورلىققا قارسى ءىس-قيمىل اگەنتتىگىنىڭ 7 قىزمەتكەرى, پروكۋراتۋرانىڭ 2 قىزمەتكەرى جەمقورلىقپەن ۇستالعان.
ايتا كەتەيىك, بۇگىندە ەلىمىزگە 100 ميلليارد تەڭگەگە جۋىق قارجى قايتارىلعان.
