اعايىندى امانباي

بەكارىس جانە بەيبارىس امانباي وتكەن جىلدىڭ كۇ­زىندە ۇلتتىق ۇلان قاتارىنا ازاماتتىق بورىشىن وتەۋگە اتتانعان. ارالارى ءبىر جىلعا جەتپەيدى. ەكەۋى دە اسكەرگە ءوز ەركىمەن سۇرانىپ كەلگەن. تاعدىردىڭ جازۋىمەن ءبىر اسكەرگە, ءبىر بولىمشەگە ءتۇسىپتى. بۇگىنگى تاڭدا اعايىندىلار 5574 اسكەري ءبولىمىنىڭ تىسقاق­قان ساربازدارى. قوس سارباز كوم­پيۋتەر ءتىلىن جەتىك مەڭگەر­­گەنى سونشالىق, قازىر اسكەري بولىمدە كاسىبي ماماندارمەن بىرگە يىق تىرەسىپ جۇمىس ىستەۋدە. بەكارىس پەن بەيبارىستىڭ ۇقساستىعىن «ارەكەتتەستىك-2022» كومان­دا­لىق-شتابتىق وقۋ-جاتتىعۋ كەزىندە تىلشىلەر دە بايقاپ قالعان كورىنەدى.

ويتكەنى اعايىندى امان­باي­لاردىڭ تۋىس ەكەنىن ءبىر كورگەننەن اڭعارۋعا بولادى. بەكارىس ەكەۋىنىڭ ءجۇرىس-تۇرىسى, ءسوز سويلەۋ مانەرى ۇقساس. بەكارىس بويشاڭ جانە مىنەزى اشىق. ءبىر كورگەن اداممەن ەسكى دوسىنداي تەز ءتىل تابىسىپ كەتەدى. ال بەيبارىس كەرىسىنشە تۇيىقتاۋ, بىردەن اشىلىپ سويلەمەيدى. سوندا دا وقىرماندار ءۇشىن ءوز ويىمەن بولىسۋگە كەلىستى.

– وتان الدىنداعى بورىشتى وتەۋ – ءار ازامات­تىڭ پارىزى. اسكەردىڭ ءوز قيىنشىلىقتارى بولعا­نىمەن مۇندا اسا الىپ بارا جاتقان ماسەلە جوق. بار­لى­عى­مىز ءبىر اتانىڭ بالاسىنداي دوسپىز. اسكەر­دە ءتار­­تىپ پەن دوستىقتىڭ, شىدامدى­لىق پەن سابىر­دىڭ قادىرىن تۇسى­نەسىڭ. اعاڭمەن ءبىر بولىمدە قىز­­مەت اتقارساڭىز مۇلدە كەرەمەت. مەن ونىڭ كونس­پەك­تىلەرىن تولتىرعاندا, ول مەنىڭ جاعامدى تىگىپ بەرەدى. ەكەۋمىز ءبىر-بىرىمىزگە دەمەۋ بولىپ جۇرە­مىز. ونىڭ ۇستىنە, اكەمىز اسكەر سالاسىنىڭ ار­دا­گەرى. ءبىزدىڭ اسكەرگە بارعانىمىزعا قولداۋ كور­سەتىپ, ءبىرىنشى قا­تاردا اسكەري كوميسسارياتقا جىبەر­گەن دە سول كىسى. اسكەري ادام بولۋ ءبىزدىڭ قانىمىزدا بار دەسەك, ارتىق ايتپايمىز, – دەيدى اعايىندار.

بەكارىس اسكەردەن كەيىن ۇلت­تىق ۇلاندا كەلىسىم­شارت بويىنشا قالعىسى كەلەدى. ونى اس­كەري فورما بالا كەزىنەن قى­زىقتىرادى. سونىمەن قاتار ەلەك­تروندى گادجەتتەر مەن جاڭا تەحنولوگيالارعا دەگەن قىزى­عۋشىلىعى زور. اسكەري بولىمدەگى كومپيۋ­تەرلەردى جاساپ, كوزگە تۇسكەن ساربازدىڭ بىلىكتىلىگىن ءبولىم باسشىلىعى دا جوعارى باعالاعان. وسى­لايشا, سارباز جاۋىنگەرلىك مىن­دەت­تەرىمەن قاتار, اسكەري ءبولىمنىڭ اۆتوماتتاندىرىلعان باسقارۋ جۇيەسىنىڭ تامىرىنا قان جۇگىرتىپ ءجۇر. اعاسى بەيبا­رىس بولا­شاقتا دارىگەر اتانعى­سى كەلەتىنىن جاسىرمادى. سول سەبەپتى دە ول اسكەري بورىشىن اياق­تاعاننان كەيىن مەديتسينالىق وقۋ ورنىنا تۇسۋگە بەل بايلاعان.

قوس ساربازدىڭ ءوز مۇمكىن­دىكتەرىن كورسەتۋگە جول اش­قان كومانديرلەرىنە دەگەن العىسى مول. ولار ءبىر جىل ىشىندە پاتريوتتىق, رۋحاني جانە جا­ۋىن­گەرلىك دايىندىقتان ءوتىپ, وتانىمىزدىڭ ەلجاندى ازامات­تارىنىڭ قاتارىن كوبەيتەدى دەگەن سەنىمدەمىز.

دارىن سەيىتوۆ,

اسكەري جۋرناليست