الەۋمەتتىك قىزمەتكەر – ارناۋلى الەۋمەتتىك قىزمەتتەرگە قاجەتتىلىكتى قامتاماسىز ەتىپ, ولاردىڭ دەڭگەيىن باعالاۋ مەن ايقىنداۋدى جۇزەگە اسىراتىن, بەلگىلەنگەن تالاپتارعا سايكەس كەلەتىن جەتكىلىكتى ءبىلىمى مەن بىلىگى بار ماماندىق يەسى دەسەك, ەلىمىزدە جىل سايىن قازان ايىنىڭ سوڭعى جەكسەنبىسىندە الەۋمەتتىك سالا قىزمەتكەرلەرى كۇنى اتالىپ وتەدى. ال الەۋمەتتىك سالا ەلىمىزدەگى ەڭ وزەكتى باعىتتاردىڭ ءبىرى ەكەنى كۇمان تۋعىزباسا كەرەك. وسى ورايدا «ورال ارناۋلى الەۋمەتتىك قىزمەت كورسەتۋ ورتالىعىندا» الەۋمەتتىك سالا قىزمەتكەرلەرى كۇنى مەرەكەسىنە وراي اتالعان ورتالىقتىڭ مادەني ۇيىمداستىرۋشىلارمەن جانە قازاقستان حالقى اسسامبلەياسىمەن بىرلەسە «ىزگى ءىستىڭ يەسى» اتتى مەرەكەلىك ءىس-شارا ۇيىمداستىرىلدى. ونىڭ سالتاناتتى اشىلۋىندا باتىس قازاقستان وبلىستىق قازاقستان حالقى اسسامبلەياسى توراعاسىنىڭ ورىنباسارى د.ساراتوۆ جانە «ورال ارناۋلى الەۋمەتتىك قىزمەت كورسەتۋ ورتالىعىنىڭ» ديرەكتورى ا.داۋلەتوۆ ءسوز سويلەپ, الەۋمەتتىك سالا قىزمەتكەرلەرىن مەرەكەلەرىمەن قۇتتىقتادى.
سالتاناتتى ءىس-شارا بارىسىندا جۇمىسىمەن ەرەكشەلەنگەن ەڭ ۇزدىك الەۋمەتتىك قىزمەتكەرلەر ماراپاتتالدى. مەرەكەلىك كەشتە «مۇرا» بالالار ۆوكالدىق ءانسامبلى, الماتى قالاسىندا وتكەن حالىقارالىق فەستيۆالدىڭ گران-پري يەگەرى «مالينوۆىە زوري» بالالار حالىق بي ءانسامبلى, «اعالار» قازاق حالىق ءانسامبلى» ءوز ونەرلەرىن ورتاعا سالدى.
دينارا مۇراتبەكقىزى,
ورال ارناۋلى الەۋمەتتىك قىزمەت كورسەتۋ ورتالىعىنىڭ قىزمەتكەرى
باتىس قازاقستان وبلىسى
