شىۇ اياسىنداعى كوپجاقتى ءوزارا ءىس-قيمىل قازاقستان ۇكىمەتى جۇمىسىنىڭ باسىمدىقتارىنىڭ ءبىرى بولىپ قالا بەرەدى.
پاندەميا مەن باسقا دا سىن-قاتەرلەرگە قاراماستان, شىۇ كەڭىستىگىندە دامۋدىڭ ايتارلىقتاي جوعارى ديناميكاسى ساقتالىپ وتىر. ماسەلەن, وتكەن جىلدىڭ قورىتىندىسى بويىنشا ۇيىمعا مۇشە مەملەكەتتەردىڭ ەكونوميكالىق ءوسۋ قارقىنى 4-تەن 9%-عا دەيىن ۇلعايدى, ال قازاقستان مەن شىۇ ەلدەرى اراسىنداعى جيىنتىق تاۋار اينالىمى 22%-عا ءوسىپ, $51 ملرد-تى قۇرادى.
ء«اليحان سمايىلوۆ ازىق-ت ۇلىك قاۋىپسىزدىگىن قامتاماسىز ەتۋ بويىنشا ۇيلەستىرىلگەن شارالار قابىلداۋدىڭ ماڭىزدىلىعىن اتاپ ءوتتى. «قازاقستان ءوزىنىڭ اۋىل شارۋاشىلىعى الەۋەتىن پايدالانا وتىرىپ, بۇل ىسكە ۇلەس قوسۋعا دايىن. مۇندا ماڭىزدى قادام سەلەكتسيا جانە تۇقىم شارۋاشىلىعى سالاسىنداعى ىنتىماقتاستىق باعدارلاماسىن ازىرلەۋ بولادى. بۇل اۋىل شارۋاشىلىعىنىڭ دامۋىنا سەرپىن بەرىپ, مەملەكەتتەرىمىزدىڭ عىلىمي سەلەكتسيالىق ورتالىقتارىن كووپەراتسيالاۋعا جول اشادى جانە ازىق-ت ۇلىك قاۋىپسىزدىگىن قامتاماسىز ەتۋگە وڭ اسەر ەتەدى», دەدى ءاليحان سمايىلوۆ.
سونىمەن قاتار پرەمەر-مينيستر كۇش-جىگەردى بىرىكتىرىپ, پەرسپەكتيۆاسى بار كولىك-ترانزيت دالىزدەرىن دامىتۋعا شاقىردى.
«اقتاۋ پورتىنىڭ» ءۇندىستان – پارسى شىعاناعى ەلدەرى – يران – قازاقستان – رەسەي» باعىتىنداعى توراپقا اينالۋعا الەۋەتى زور. قازىرگى جاعدايدا ترانسكاسپي كولىك ءدالىزىنىڭ ەۋروپا, ورتالىق ازيا جانە قىتاي اراسىنداعى ترانزيتتىك اعىنداردى قامتاماسىز ەتۋدەگى ءرولى دە ارتىپ كەلەدى. وسى باعىتتىڭ مۇمكىندىكتەرىن بىرلەسىپ ىسكە اسىرۋ جۇكتەردىڭ تۇراقتى كولەمىنىڭ بولۋى مەن ۇزدىكسىز تاسىمال كولەمىن قامتاماسىز ەتەدى», دەدى ول.
