ۇكىمەت وتىرىسىنان كەيىن تىلشىلەر ۇلتتىق ەكونوميكا مينيسترىنەن مەملەكەتتىك قىزمەتشىلەر مۇنداي سومانى قايدان العانىن سۇرادى.
«ولار وزدەرىنىڭ جەكە جيناقتارىن جۇمساعان. ەگەر ادام قۇمار ويىنعا جاقىن بولسا, وندا ول ءوزىنىڭ تابىسى مەن قولدا بار قاراجاتىنان باسقا دا تابىستارعا يە بولا الادى, ىزدەي الادى, قارىز الا الادى. بۇل تەك مەملەكەتتىك قىزمەتشىلەرگە عانا قاتىستى ەمەس. بۇل قۇمار ويىندارعا قىزىعاتىن كەز كەلگەن ازاماتقا قاتىستى», دەپ جاۋاپ بەردى الىبەك قۋانتىروۆ.
19 قازاندا مەملەكەتتىك قىزمەتشىلەر الماتى وبلىسىنىڭ كازينوسىندا 507 ملن تەڭگە جۇمساعانى بەلگىلى بولدى. الماتى وبلىسى پروكۋراتۋراسىنىڭ مالىمەتىنشە, ءتۇرلى وڭىرلەردەن 305 شەنەۋنىك مەملەكەتتىك قىزمەت اتقارۋ كەزەڭىندە ويىن مەكەمەلەرىنە بارعان.
