سازدى كەشتىڭ قوناعى ەلىمىزدە دە, شەتەلدەردە دە مويىندالعان تالانت. ناقتىراق ايتساق, سەرگەي كيم – ا.ن.سكريابين (رەسەي) اتىنداعى V حالىقارالىق فورتەپيانوشىلار بايقاۋىنىڭ, Theresa Liacuna (فرانتسيا) اتىنداعى حالىقارالىق بايقاۋدىڭ, سونداي-اق Citta di San Dona di Piave (يتاليا), Grand Piano Virtuoso حالىقارالىق فورتەپيانو بايقاۋلارىنىڭ لاۋرەاتى. كەيىنگى بايقاۋدا سەرگەي كيم باس جۇلدەنى يەلەنىپ, بەدەلدى Royal Albert Hall (لوندون) زالىندا جەكە شىعارماشىلىق كەشىن وتكىزدى.
قۇرمانعازى اتىنداعى قازاق ۇلتتىق كونسەرۆاتورياسىن (قازاقستاننىڭ حالىق ءارتىسى ج.اۋباكىروۆانىڭ سىنىبى) ۇزدىك بىتىرگەن سەرگەي كيم لينتس قالاسىنداعى انتون برۋكنەر اتىنداعى اۋستريانىڭ مۋزىكا, بي جانە اكتەرلىك ونەر ۋنيۆەرسيتەتىنىڭ ماگيستراتۋراسىندا وقۋىن جالعاستىردى. مۋزىكانت قازاقستاندا, رەسەيدە, گەرمانيادا, اۋستريادا, يتاليادا, چەحيادا جانە فرانتسيادا ەڭبەك ەتتى. ال قازىر سەرگەي كيم اۋستريا مەملەكەتتىك مۋزىكا مەكتەبىنىڭ وقىتۋشىسى, سونىمەن قاتار ا.برۋكنەر اتىنداعى مۋزىكا, بي جانە اكتەرلىك شەبەرلىك ۋنيۆەرسيتەتىندە كونتسەرتمەيستەر-وقىتۋشى.
ۇرلەمەلى وركەستردىڭ كوركەمدىك جەتەكشىسى نيكيتا پوچيتالين كەيىنگى ەكى جىلدا جانكۇيەرلەرىنەن دجاز باعىتىندا كونتسەرت بەرۋ تۋرالى وتىنىشتەر كوپ بولعانىن ايتتى.
«دجاز شىعارمالارى ۇرلەمەلى وركەسترمەن ەرەكشە ناقىشتا ەستىلەدى. ال قىزىقتى ءارى زاماناۋي شىعارماشىلىق ءتاسىل رەتىندە ءبىز اۋستريادان ءوز سالاسىنىڭ شەبەرى پيانيست سەرگەي كيمدى شاقىردىق», دەدى ن.پوچيتالين.
«All the Jazz» كونتسەرتتىك باعدارلاماسىنا دجوردج گەرشۆيننىڭ «پورگي مەن بەسس» وپەراسىنىڭ «گولۋبايا راپسوديا» جانە «سيۋيتا» شىعارمالارى, گلەن ميللەردىڭ «لۋننايا سەرەنادا», لۋيس پريمانىڭ «پوي, پوي, پوي», دەيۆ برۋبەكتىڭ «Take Five» سياقتى تانىمال دجاز كومپوزيتسيالارى كىردى.
ايتا كەتەيىك, ۇرلەمەلى اسپاپتار وركەسترىنىڭ باس ديريجەرى ۆەرونيكا دۋداروۆا اتىنداعى بۇكىلرەسەيلىك وركەستر ديريجەرلەر بايقاۋىنىڭ I دارەجەلى لاۋرەاتى دارحان راحىمعاليەۆ. فيلارمونيانىڭ ۇرلەمەلى اسپاپتار وركەسترى ءوزىنىڭ قۇرامى بويىنشا ەڭ ۇلكەن وركەسترگە جاتادى. مۇنداي وركەستردە بارلىق زاماناۋي ۇرلەمەلى اسپاپتاردا, سونىڭ ىشىندە سوقپالى اسپاپتاردا وينايتىن 60-تان استام ورىنداۋشى بار. بۇل قۇراممەن ءارتۇرلى تەمبرلىك تۇستەرگە, تەحنيكالىق ۇتقىرلىققا, دىبىس پەن ديناميكالىق يكەمدىلىكتىڭ ەرەكشە بىرلىگىن ەركىن بەرۋگە بولادى.
