سۋرەت: اقتوبە وبلىسى پد ءباسپاسوز قىزمەتى
اقتوبە وبلىسى پوليتسياسىنىڭ ءباسپاسوز قىزمەتى قىلمىسقا قاتىسى بار 13 كۇدىكتىنىڭ ۇستالعانىن حابارلادى. ولاردىڭ اراسىندا تۇنگى كلۋبتىڭ باستىعى دا بار. ول اسا اۋىر قىلمىس تۋرالى حابارلاماعانى, سونداي-اق دەر كەزىندە مەديتسينالىق كومەك كورسەتۋ شارالارىن قولدانباعانى ءۇشىن قاماۋعا الىندى.
قازىر بارلىق كۇدىكتى سوت قاۋلىسىمەن تەرگەۋ مەرزىمىنە قاماۋعا الىندى. ۇستالعانداردىڭ باسقا دا قىلمىستارعا قاتىسى بار-جوعى انىقتالىپ جاتىر.
سونداي-اق پوليتسيا دەپارتامەنتى قىلمىستىق ءىستى تەرگەۋ بارىسىندا ازاماتتاردىڭ قاۋىپسىزدىگىنە قويىلاتىن تالاپتاردىڭ ساقتالۋىن قامتاماسىز ەتۋ ءۇشىن بارلىق ويىن-ساۋىق مەكەمەلەرىندە تەكسەرۋ باستالاتىنىن ايتتى.
اتالعان وقيعا 27 قازاندا بەلگىلى بولدى. كەيىن پوليتسيا وسى ءىس بويىنشا توعىز كۇدىكتىنى ۇستادى. ءبىر كۇن وتكەن سوڭ استانادا ەكى ادام ءولتىردى دەگەن تاعى ءۇش كۇدىكتى ۇستالدى.
