انا مەن بالا ءۇشىن جاقسى جاعداي جاسالعان

انا مەن بالانىڭ دەنساۋلىعى­نىڭ جاعدايى – قوعامنىڭ ءال-اۋقا­تىنىڭ كورسەتكىشى. ەلىمىزدىڭ تۇر­عىندارىنىڭ ۇشتەن ەكى بولىگىن 18 جاسقا دەيىنگى جاسوسپىرىمدەر مەن بالا تۋعا قابىلەتتى جاس شاماسىنداعى ايەلدەر قۇرايدى. سوندىقتان ايەل­دەردىڭ رەپرودۋكتيۆتىلىك دەنساۋ­لىعىن ساقتاۋ, انا بولۋدىڭ قاۋىپسىز نەگىزى رەتىندە باسىم ماڭىزعا يە. دەنساۋلىقتى ساقتاۋدىڭ ۇلتتىق سايا­ساتى «قازاقستان-2050» دامۋ ستراتەگياسىنا سايكەس وبلىسىمىزدا قابىلدانعان «2050 جىلعا دەيىن تۇرعىنداردىڭ دەنساۋلىعىن جاقسارتۋ ستراتەگياسى» اتتى اۋماق­تىق باعدارلامانىڭ باسىم باعىتى انا قاۋىپسىزدىگى مەن وتباسىن جوسپارلاۋعا ارنالعان. جالپى دەنساۋلىق سالاسىنا جىل سايىن قوماقتى قارجى بولىنەدى. سالىناتىن مەديتسينالىق نىساندار دا ەسەلەپ ارتۋدا. تاراز قالالىق №7 ەمحاناسى جالپى سانى – 11217 اناعا, ونىڭ ىشىندە – 5543 رەپرودۋكتيۆتىلىك جاس شاماسىنداعى ايەلدەرگە جانە 6491 بالالارعا مەديتسينالىق قىز­مەت كورسەتەدى. گينەكولوگيا ءبولىم­شەسىنىڭ مەڭگەرۋشىسى ت.نازاروۆا, جوعارى ساناتتى اكۋشەر-گينەكولوگ ا.ماسەلبەكوۆا, پەدياتريا بولىمشەسىنىڭ مەڭگەرۋشىسى ن.ۆاسي­توۆا, جوعارى ساناتتى دارىگەر-پەدياتر ە.كاليۋجنايا جانە ت.ب. دارىگەرلەر كوپبالالى, سونداي-اق جالعىزىلىكتى انالارعا, الەۋمەتتىك جاعدايى ناشار وتباسىلارعا پسيحولوگيالىق-الەۋمەتتىك كومەك كورسەتۋدە ايانباي ەڭبەك ەتۋدە. 2012 جىل مەن 2013 جىلعى مالىمەتتەردى سالىستىرار بولساق, تۋ كورسەتكىشى 22,4 پايىزدان 26,3 پايىزعا وسكەنىن بايقاۋعا بولادى. №7 قالالىق ەمحاناسىندا «وتباسىن جوسپارلاۋ» بولمەسى جۇمىس ىستەيدى, مۇندا رەپرودۋكتيۆتىلىك جاس شاماسىنداعى ايەلدەرگە, جۇكتى ايەلدەرگە, بولاشاق انالارعا ۇنەمى كەڭ كولەمدە اقپاراتتاندىرۋ جۇمىستارى, دارىستەر, وقۋ-جاتتىعۋلار جۇرگىزىلەدى. ال, «دەنى ساۋ بالا» بولمەسىنىڭ مەيىربيكەسى ن. ءابجاپاروۆا جاس انالارعا انا ءسۇتىنىڭ ماڭىزدىلىعى مەن ونىڭ نارەستە اعزاسىنا پايدالىلىعى تۋرالى ءتۇسىندىرۋ جۇمىستارىن جۇرگىزىپ وتىرادى. تەگىندە دۇنيەگە دەنى ساۋ بالانى اكەلۋ مەن وتباسىنىڭ بەرىك بولۋى – بۇل وسكەلەڭ قوعام دامۋىنىڭ باستى كەپىلى. دينارا سارسەنوۆا, №7 قالالىق ەمحانانىڭ باس دارىگەرى. تاراز.