ىنتىماقتاستىق اۋەندەرى قالىقتادى

شاحمەت قۇسايىنوۆ اتىنداعى وبلىستىق قازاق دراما تەاترىندا «پويۋششايا پولونيا» اتتى پولياك اندەرىنىڭ ءىV رەسپۋبليكالىق فەستيۆالى بولىپ ءوتتى. ايتۋلى شاراعا پولشا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى ياتسەك كليۋچكوۆسكي جانە اقمولا وبلىسى اكىمىنىڭ ءبىرىنشى ورىنباسارى  ءراشيت اكىموۆ قاتىسىپ, قۇتتىقتاۋ ءسوز سويلەدى. قازاقستاندا ءوزىنىڭ ۇلتتىق سالت-داستۇرلەرىن ساقتاپ, بەي­بىتقاتار كۇن كەشىپ جاتقان 32 مىڭ پولياك حالقىنىڭ باسىن بىرىكتىرەتىن فەس­تي­ۆالگە استانا, الماتى قالالارى مەن اقتوبە, پاۆلودار, سولتۇستىك قازاقستان, قوستاناي جانە اقمولا وبلىستارىنان وكىلدەر قاتىستى. «مەنىڭ قا­زاقستانىم» دەپ اتالاتىن مۋ­زى­كالىق-بي قويىلىمىمەن اشىل­­عان فەستيۆال كورەرمەن قاۋىم­نىڭ جۇرەگىنە جىلىلىق ۇيا­­لاتتى. ءان بايقاۋىندا ءسولتۇس­تىك­قازاقستاندىق ۆالەريا لوپاتا, ۆلاديمير وبودزينسكي, الما­تىلىق ەلەنا ياۆورسكايا, اقتوبەلىك يليا تسىبۋلسكي, قوستانايلىق «Nadzeija» تريوسى, استانالىق «Glosy Astany» ۆوكالدىق توبى جانە پاۆلودارلىق ەلەنا كريتسكايا ءان­سۇيەر قاۋىمنىڭ ەرەكشە قوشە­مەتىنە بولەندى. ال, اقمو­لالىق ءان­شى­­لەردىڭ اراسىنان ەليزاۆەتا رىل­­سكايا, ۆالەريا سۋحوۆەتسكايا مەن جاننا فيليپوۆيچ وزىندىك ­ور­ىن­­­­­­داۋ­شىلىق مانەرلەرىمەن كوزگە ءتۇستى. ءبىز سوزگە تارتقان «Kolorove jarmarki» دەپ اتالاتىن تۋىندىنى تامىلجىتا ورىنداعان تاتيانا لەونحاردت تۋعان حالقىنىڭ ءانىن ءبىلۋدى ءوز مىندەتى سانايتىنىن, مۇنداي شارالارعا قاتىسۋ ارقىلى وزىنە جاڭا دوستار تاۋىپ قانا قويماي, شەبەرلىگىن شىڭداي تۇسەتىنىن العا تارتتى. فەستيۆالدىڭ جابىلۋ ءراسى­مىندە ءسوز العان وبلىس اكىمىنىڭ ءبىرىنشى ورىن­باسارى ءراشيت اكىموۆ وسىنداي اۋقىمدى شارانىڭ وبلىسىمىزدا ۇيىم­داستىرىلىپ وتىرعاندىعىنا قۋانىشتى ەكەن­دىگىن جەتكىزىپ, وڭىردەگى 9,5 مىڭ­عا جۋىق پولياك ەتنوسى وكىل­دەرىنىڭ قوعامدىق ومىردەگى بەلسەن­دى­لىگىنە ريزاشىلىق ءبىلدىر­دى. ال ياتسەك كليۋچكوۆسكي ەكى ەل پرە­زي­دەنتتەرىنىڭ بەيبىتشىلىك پەن كەلى­سىمدى ساقتاۋ باعىتىندا ءجۇر­گىزىپ وتىرعان ساياساتىن جوعا­رى باعالاپ, بۇگىنگى شارانىڭ دۇنيە­نىڭ ەكى قيىرىندا جاتقان قوس مەم­لەكەتتىڭ ىنتىماقتى بايلانىسىن جالعاستىراتىن يگى داستۇرگە اي­­نالعانىنا ريزاشىلىعىن جەتكىزدى. باقبەرگەن امالبەك, «ەگەمەن قازاقستان». اقمولا وبلىسى.