جارتى عاسىردان بەرى «زاريا ۆوستوكا» گازەتىنىڭ ۇيىتقى بولۋىمەن ءداستۇرلى تۇردە «التىن كۇز» جەڭىل اتلەتيكا كروسى ۇيىمداستىرىلىپ كەلەدى. بيىل جارىس اۋداندا 55-ءشى رەت ءوتىپ, «زاريا ۆوستوكا» گازەتىنىڭ بۇرىنعى ديرەكتورى باقىتجان يمامباەۆتى ەسكە الۋعا ارنالدى.
جەكسەنبى كۇنى تاڭەرتەڭ جارىسقا قاتىسۋعا نيەتتى سپورتشىلار بەلگىلەنگەن ورىنعا جينالدى. كروسقا قالا مەن اۋداننىڭ جالپى ءبىلىم بەرەتىن مەكتەپتەرىنىڭ وقۋشىلارى, كوللەدج ستۋدەنتتەرى, وندىرىستىك كاسىپورىندار مەن مەملەكەتتىك ۇيىمداردىڭ قىزمەتكەرلەرى جانە سپورت ارداگەرلەرى قاتىستى. سورەگە ۇزىن سانى 400-گە جۋىق سپورتشى تۇردى.
– بۇگىن ءبىز تابىستى كاسىپكەر جانە بەلسەندى سپورتشى بولعان باقىتجان قۇرماش ۇلىن ەسكە الۋعا ارنالعان كروستى قولداۋ ءۇشىن جينالدىق. بۇگىنگى تاڭدا ءبىزدىڭ مەملەكەتىمىزدە جاس سپورتشىلار ءۇشىن بارلىق جاعداي جاسالۋدا. سىزدەردىڭ وبلىستىق, رەسپۋبليكالىق, حالىقارالىق جارىستارعا قاتىسۋعا جانە جەڭىپ شىعۋعا مۇمكىندىكتەرىڭىز بار. ارقاشان جەڭىس تۇعىرىنان كورىنىڭىزدەر! – دەدى قالا اكىمى يگور وكونەشنيكوۆ.
بۇگىنگى كۇندە كروستى ءداستۇرلى تۇردە ۇيىمداستىرۋعا باقىتجان قۇرماش ۇلىنىڭ ۇلى ديدار يمامباەۆ ۇيىتقى بولىپ ءجۇر. اكەسىنىڭ ايتۋىمەن ديدار بالا كەزىنەن بوكسپەن اينالىستى. اۋداندىق, وبلىستىق جانە رەسپۋبليكالىق جارىستاردىڭ بىرنەشە دۇركىن جۇلدەگەرى.
ەسكە سالا كەتسەك, «التىن كۇز» جارىسى كوروناۆيرۋستىق پاندەمياعا بايلانىستى 2020 جانە 2021 جىلدارى وتكىزىلمەگەن. بيىل عانا ءداستۇرلى كروسس قايتا جالعاسىن تاپتى. سونىمەن قاتار بيىل «بۇركىت» تاۋ شاڭعى كەشەنىنىڭ جۇمىسى قايتا قالپىنا كەلتىرىلەدى. التاي اۋدانىنىڭ تۇرعىندارى, قوناقتارى قىستىڭ كۇنى بوس ۋاقىتتارىن اتالعان كەشەندە وتكىزۋگە مۇمكىندىك الادى.
سونىمەن جارىس جولىنا شىعىپ, قارا ءۇزىپ كەلگەن سپورتشىلاردىڭ ىشىندە جەڭىل اتلەتيكا جارىسىنىڭ ارداگەرى اناتولي چۋيكين بولدى. جەتپىستەن اسقان ول ءالى كۇنگە دەيىن جۇگىرۋمەن اينالىسادى.
ءىس-شارا سوڭىندا «زاريا ۆوستوكا» گازەتىنىڭ ۇجىمى بارلىق جۇلدەگەرگە باعالى سىيلىقتار مەن قۇرمەت گراموتالارىن تاپسىردى. ءبىرىنشى ورىن العاندارعا اۋداندىق گازەتكە تەگىن جازىلۋ باقىتى بۇيىردى. اۋداندىق گازەتتىڭ باس رەداكتورى مەرۋەرت قالىمجانقىزىنىڭ ايتۋىنشا, «التىن كۇز» جارىسىن جىلدان-جىلعا تۇرلەندىرىپ, قىزىقتى وتكىزۋگە كۇش سالىنباق. دەمەك كەلەسى جىلعى جارىس بۇدان دا تارتىستى وتەدى.
شىعىس قازاقستان وبلىسى,
التاي اۋدانى
