ەۋرازيالىق ەكونوميكالىق وداق نارىعىنا تاۋارلارىمىز مولىنان ەكسپورتتالادى

استانا. 26 مامىر. ەۋرازيالىق ەكونوميكالىق وداقتىڭ جاڭا نارىعىنا ەلىمىزدىڭ تاۋارلارىن وتكىزۋ كولەمى ۇلعايادى. VII استانا ەكونوميكالىق فورۋىمى شەڭبەرىندە ۇيىمداستىرىلعان «ەۋرازيالىق ەكونوميكالىق ينتەگراتسيا - 20 جىل. قورىتىندىلار مەن پەرسپەكتيۆالار» اتتى پلەنارلىق وتىرىستا ۇلتتىق بانك توراعاسى قايرات كەلىمبەتوۆ وسىلاي دەدى. بۇل تۋرالى primeminister.kz. حابارلادى. ق.كەلىمبەتوۆ: «جالپى, ءبىز ەلىمىزدەگى بارلىق ەكونوميكالىق باعدارلامالاردى جۇزەگە اسىرۋدى, ەكونوميكانى ءارتاراپتاندىرۋدى, ۇلتتىق يننوۆاتسيالىق ستراتەگيانى جۇزەگە اسىرۋدى ءوز ونىمدەرىمىزدى ەۋرازيالىق ەكونوميكالىق وداق  ەلدەرىنىڭ نارىقتارىنا جەتكىزۋ مۇمكىندىگى رەتىندە قارايمىز. وسى تۇرعىدا ينۆەستورلار تەك قانا بىزگە ەمەس, كەدەن وداعى ەلدەرىنىڭ جالپى نارىعىنا كەلەتىنىن كوزدەي وتىرىپ, شەتەلدىك ينۆەستيتسيالارمەن تىكەلەي جۇمىس ىستەيمىز», – دەدى. بۇدان بولەك, ول وتاندىق بيزنەس وكىلدەرىنە رەسەي, بەلارۋس ەلدەرىندەگى مەملەكەتتىك ساتىپ الۋلار نارىعىنا ەنۋ قولجەتىمدى بولاتىنىن اتاپ ءوتتى. جولدىباي بازار. دەرەككوز: primeminister.kz. فوتو: primeminister.kz.