ماسەلەن, 2022 جىلعى شىلدە مەن قازان ارالىعىندا 36 ەسىرتكىگە قارسى, ونىڭ ىشىندە رەسەيلىك, وزبەكستاندىق جانە قىرعىزستاندىق ارىپتەستەستەرمەن بىرلەسكەن وپەراتسيالار وتكىزىلدى.
11 حالىقارالىق جانە 14 اۋماقتىق ەسىرتكى ترافيگىنىڭ ارنالارى جويىلدى. سينتەتيكالىق ەسىرتكى وندىرۋمەن اينالىساتىن 4 جاسىرىن لابوراتورياسىنىڭ ءىس-ارەكەتى بەيتاراپتاندىرىلدى.
«ارنايى وپەراتسيالار بارىسىندا ەسىرتكى قۇرىلىمدارىنىڭ 59 قاتىسۋشىسى ۇستالدى. زاڭسىز اينالىمنان 282 كەلى ەسىرتكى, ونىڭ ىشىندە 32 كەلى گەروين, 11 كەلى اپيىن, 60 كەلى سينتەتيكالىق ەسىرتكىلەر, 156 كەلى ماريحۋانا, 22 كەلى گاشيش الىندى. سونىمەن قاتار اينالىمنان 861 «ەكستازي» تابلەتكاسى جانە پسيحوتروپتىق زاتتاردى ازىرلەۋگە ارنالعان 3 توننادان اسا حيميالىق رەاگەنتتەر شىعارىلدى», دەلىنگەن حابارلامادا.
ۆەدومستۆو وكىلدەرى حالىقارالىق ەسىرتكى بيزنەسىنە قارسى تۇرۋ بويىنشا ءىس-شارالار ءالى دە جالعاساتىنىن قوسا حابارلادى.
