«پاراسات» وردەنىمەن ۇلتتىق ەكونوميكا ءبىرىنشى ۆيتسە-ءمينيسترى تيمۋر جاقسىلىقوۆ پەن اقپارات جانە قوعامدىق دامۋ ۆيتسە-ءمينيسترى سەرىك ەگىزباەۆ ماراپاتتالدى.
«قۇرمەت» وردەنىمەن ادىلەت ءمينيسترى قانات مۋسين, مادەنيەت جانە سپورت ۆيتسە-ءمينيسترى ەرجان ەركىنباەۆ, ساۋدا جانە ينتەگراتسيا ۆيتسە-ءمينيسترى قايرات تورەباەۆ, قر اشم ۆەتەريناريالىق باقىلاۋ جانە قاداعالاۋ كوميتەتىنىڭ توراعاسى اسقار جاقىپباەۆ, قر تجم مەملەكەتتىك ماتەريالدىق رەزەرۆتەر كوميتەتىنىڭ توراعاسى سالتانات سابىرباەۆا جانە ت. ب. ماراپاتتالدى.
«ەرەن ەڭبەگى ءۇشىن» مەدالىمەن قر ءتسدياوم گەودەزيا جانە كارتوگرافيا كوميتەتىنىڭ توراعاسى قاجمۇحان بەكمۇقاشەۆ, قر وقۋ-اعارتۋ مينيسترلىگى ورتا ءبىلىم كوميتەتىنىڭ توراعاسى گۇلميرا كاريموۆا, قر ءتسدياوم تەلەكوممۋنيكاتسيالار كوميتەتىنىڭ توراعاسى ەرجان مەيراموۆ, قر ەحاقم كوشى-قون كوميتەتى توراعاسىنىڭ ورىنباسارى ەربولات ابۋلحاتين, قر مسم سپورت جانە دەنە شىنىقتىرۋ ىستەرى كوميتەتى توراعاسىنىڭ ورىنباسارى بەكبولات بايجانوۆ, قر ەگترم بالىق شارۋاشىلىعى كوميتەتى توراعاسىنىڭ ورىنباسارى ايان باحيانوۆ, قر اقدم ازاماتتىق قوعام ىستەرى كوميتەتى توراعاسىنىڭ ورىنباسارى گۇلبارا سۇلتانوۆا جانە ت.ب. ماراپاتتالدى.
«شاپاعات» مەدالى قر دسم سانيتارلىق-ەپيدەميولوگيالىق باقىلاۋ كوميتەتىنىڭ توراعاسى نۇرقان سادۋاقاسوۆقا تابىس ەتىلدى.
قر ءتسدياوم تەلەكوممۋنيكاتسيالار كوميتەتى توراعاسىنىڭ ورىنباسارى جاقسىلىق يبراگيموۆ پەن پرەمەر-مينيستر كەڭسەسىنىڭ قىزمەتكەرلەرى: باس ينسپەكتور باقىتجان قۋانىشباەۆ, باس كونسۋلتانت مادينا قالىموۆا جانە باس ساراپشى گۇلدەن بەيسەنبينا, قازاقستان رەسپۋبليكاسىنىڭ قۇرمەت گراموتاسىمەن ماراپاتتالدى.
پرەمەر-مينيستر كاسىبي بىلىكتىلىگى مەن مول تاجىريبەسىن ەل يگىلىگىنە ارناپ كەلە جاتقان ماراپات يەلەرىنىڭ كۇندەلىكتى ەڭبەگىنىڭ ماڭىزدىلىعىن اتاپ ءوتتى.
«رەسپۋبليكا كۇنى – ەلىمىزدىڭ تاۋەلسىزدىك جولىنداعى تۇڭعىش قادامى. بۇل – حالقىمىز ءۇشىن ازاتتىق پەن تۇراقتىلىقتىڭ, قوعامدىق كەلىسىم مەن ۇلتارالىق تاتۋلىقتىڭ مەرەكەسى. رەسپۋبليكا كۇنى مەرەكەسى قارساڭىندا پرەزيدەنتتىڭ اتىنان سىزدەرگە مەملەكەتتىك ناگرادالاردى تاپسىرۋ مىندەتى ماعان جۇكتەلدى. بۇگىنگى ماراپاتتى مەملەكەت باسشىسىنىڭ سىزدەردىڭ ەل الدىنداعى ەڭبەكتەرىڭىزگە دەگەن جوعارى سەنىمى دەپ قابىلداڭىزدار», دەدى ءاليحان سمايىلوۆ.
