«بۇگىن ءبىز سىزدەرمەن ۇلتتىق مەرەكەمىز رەسپۋبليكا كۇنى قارساڭىندا «ستەپنوي» كەنتىندە پايدالانۋعا بەرىلىپ وتىرعان 300 ورىندىق جاڭا مەكتەپتىڭ اشىلۋ سالتاناتىنىڭ كۋاسى بولىپ وتىرمىز. وقۋشى ورىندارىنىڭ تاپشىلىعىن قىسقارتۋ ماقساتىندا اعىمداعى جىلى 1500 ورىندىق 2 مەكتەپ اشىلدى», دەدى قالا اكىمى.
جاڭا مەكتەپتىڭ اشىلۋى - ستەپنوي كەنتى وقۋشىلارى ءۇشىن ۇلكەن قۋانىش. اتالعان وقۋ ورنىندا وسى كەنتتە تۇراتىن №10, № 11, № 22, №39 جانە قالا ورتالىعىندا ورنالاسقان باسقا دا مەكتەپتەردە ءبىلىم الىپ جۇرگەن وقۋشىلار وقيتىن بولادى. مەكتەپتىڭ وقۋ بولمەلەرى سانيتارلىق - گيگيەنالىق تالاپقا ساي. مەكتەپ سپورت زالى - 1, 108 ورىنعا ارنالعان اسحانا, 100 ورىنعا ارنالعان اكت زالى, زەرتحانا كابينەتتەرى مەن شەبەرحانا جاڭا موديفيكاتسياداعى كابينەتتەرمەن جابدىقتالعان. بالالاردىڭ قاۋىپسىزدىگى ماقساتىندا ارنايى 24 ىشكى جانە 15 سىرتقى بەينەباقىلاۋ كامەرالارى ورناتىلعان.
