«كريشتيانۋ رونالدۋ سەنبى كۇنى پرەمەر-ليگانىڭ «چەلسيگە» قارسى ويىنىندا «مانچەستەر يۋنايتەدتىڭ» قۇرامىندا بولمايدى. كوماندانىڭ قالعان بولىگى وسى ماتچقا دايىندالۋعا تولىقتاي جۇمىلدى», دەلىنگەن كلۋبتىڭ رەسمي سايتىندا.
The Athletic اقپاراتى بويىنشا, «ميۋ» كومانداسىنىڭ باس باپكەرى ەريت تەن حاگ 37 جاستاعى شابۋىلشىنى نەگىزگى قۇرامنىڭ جاتتىعۋىنان شەتتەتكەن.
سونداي-اق سپورتشى اپل 13 تۋرىنداعى «چەلسيگە» قارسى كەزدەسۋگە قاتىسپايدى.
ايتا كەتەيىك, كەشە پورتۋگاليالىق فۋتبولشى «توتتەنحەم» (2:0) كومانداسىنا قارسى ويىن اياقتالماي جاتىپ ستاديوننان كەتىپ قالدى. كەيبىر دەرەككوزدەر بويىنشا شابۋىلشى ويىننىڭ سوڭىندا الاڭعا شىعۋدان باس تارتقان. 
«چەلسي» - «مانچەستەر يۋنايتەد» ويىنى 22 قازاندا لوندوندا وتەدى.
37 جاستاعى رونالدۋ ماۋسىمداعى 12 ماتچتا ەكى گول سوقتى. ونىڭ «مانچەستەر يۋنايتەدپەن» كەلىسىمشارتى ماۋسىم ايىندا اياقتالادى.
