ءوزارا ءىس-قيمىلدار جايى قارالدى

پارلامەنت سەناتىنىڭ توراعاسى  قاسىم-جومارت توقاەۆ بولگاريانىڭ بۇرىنعى پرەزيدەنتى, قازىرگى جاھاندىق ۇنقاتىسۋ جانە ىنتىماقتاستىق ورتالىعىنىڭ باسشىسى پەتر ستويانوۆپەن كەزدەستى. الەمدەگى اۋقىمدى وزگەرىستەر تۇرعىسىندا قازىرگى كەزدەگى ءوزارا ءىس-قيمىلدىڭ وزەكتى ماسەلەلەرى تال­قىلاندى. پ.ستويانوۆ دۇنيەجۇزىلىك داعدارىسقا قارسى كونفەرەنتسيانىڭ جالپى سەسسياسىنداعى پرەزيدەنت ن.نازارباەۆتىڭ ساياسات پەن ەكو­نوميكاداعى شيەلەنىستى جاع­دايلاردى رەتتەۋ جونىندەگى ءسوي­لەگەن ءسوزىنىڭ ەرەكشە ماڭىزىن اتاپ ءوتتى. بولگار وكىلى قازاقستان لي­دەرىنىڭ ۆەنادا جاھاندىق ۇنقاتىسۋ جانە ىنتىماقتاستىق ورتالىعىندا بايانداما جاسايتىنىنا جانە ول ەۋروپالىق سايا­ساتكەرلەر, ەكونو­ميستەر جانە پار­لامەنتشىلەر قاۋىمىنا «G-Global» قىزمەتىن تەرەڭ تۇسىنۋگە مۇمكىندىك بەرەرىنە سەنىم ءبىلدىردى. سەنات توراعاسى بۇۇ باس حات­شىسىنىڭ ورىنباسارى, بۇۇ باس حاتشىسىنىڭ تەڭىزگە شىعاتىن جولى جوق دامۋشى جانە از دامىعان ەلدەر مەن شاعىن ارالداعى مەملە­كەت­تەر جونىندەگى جوعارى ءۋا­كى­لى گيان چاندرا اچاريامەن دە كەز­دەس­تى. بۇۇ ۋاكىلى استانا ەكو­نو­مي­كالىق فورۋمىنىڭ ناتيجەلەرىنەن العان اسەرلەرىمەن بولىسە وتىرىپ, ترانسەۋرازيالىق كولىك ءدالى­زىنىڭ دامۋىنا ەرەكشە نازار اۋداردى. ونىڭ پىكىرىنشە, قىتاي مەن ەۋروپا اراسىنداعى تەڭىز قاتى­ناس­تارىنان گورى تەمىرجول ارقى­لى جۇك تاسىمالداۋدىڭ بىرقا­تار ارتىقشىلىقتارى بار. ول قا­زاق­ستاننىڭ ينفرا­قۇرى­لىم­داردى دامىتۋ مەن وسى سالاداعى حالىق­ارا­لىق ارىپتەستىكتى دامىتۋدى ءىس ءجۇ­زىندە كۇشەيتۋىنە قولداۋ ءبىلدىردى. ق.توقاەۆ قازاقستان پرەزيدەنتى ن.نا­زارباەۆتىڭ تاياۋداعى قى­تاي­عا رەسمي ساپارى بارىسىندا تانىستىرىلعان كولىك جانە لوگيستيكا سالاسىنداعى ءىرى جو­با­لاردىڭ ماڭىزدىلىعىنا, سون­داي-اق قحر توراعاسى سي تسزين­پين ۇسىنعان جىبەك جولى توڭىرە­گىن­دەگى «ەكونوميكالىق بەلدەۋ» جو­با­سىنىڭ كەلەشەگىنە نازار اۋداردى. بۇۇ ساۋدا جانە دامۋ ءجونىن­دەگى كونفەرەنتسياسىنىڭ (يۋنكتاد) باس حاتشىسى مۋحيسا كيتۋي­مەن كەزدەسۋ كەزىندە ق.توقاەۆ ءجۇز­دەسۋشىنى يۋنكتاد-تىڭ الداعى ماۋسىمداعى 50 جىلدىعىمەن قۇت­تىقتادى. «ءبىز يۋنكتاد تارا­پى­نان, اسىرەسە, كەدەن قىزمە­تىن جاڭ­عىر­تۋ سالاسىنداعى تەحني­كا­لىق جانە ساراپتامالىق قولداۋ­دى جوعارى باعالايمىز», دەدى سەنات توراعاسى. ول سونداي-اق ەلى­مىزدىڭ 2050 جىلعا دەيىنگى دامۋ سترا­تەگياسىندا شاعىن جانە ور­تا بيزنەستى دامىتۋ باستى با­عىت­تاردىڭ ءبىرى بولىپ بەلگىلەنگەنىن جانە وسى سالادا قازاقستان يۋنكتاد-پەن ءوزارا جەمىستى ءىس-قي­مىلعا سەنىم ارتاتىنىن اتاپ ءوتتى. م.كيتۋي استانا ەكونوميكالىق فورۋمىنىڭ اياسىندا يۋنكتاد-قا ارنالعان ارنايى سەسسيانىڭ تابىستى وتكەنىنە توقتالدى. ونىڭ ايتۋىنشا, جاھاندىق ەكونو­ميكا ءۇشىن كۇردەلى كەزەڭدە ينفرا­قۇرىلىمداردى جانە ترانس­شە­كارالىق ترانزاكتسيانى جەتىلدىرۋ سەكىلدى كوپتەگەن ماسەلەلەردى شەشۋ ءۇشىن الەمدە تەوريالىق ءۇل­گى­لەر جوق كەزدە قازاقستان كورە­گەن كوشباسشىلىعىن پاش ەتىپ كەلەدى. م.كيتۋي كەدەندىك اكىم­شى­لەندىرۋدى جەتىلدىرۋدە, دسۇ-عا كى­رۋدە جانە «بيزنەستى جۇرگىزۋ» كور­سەت­كىشتەرىندە الاتىن ورنىن جاق­سار­­تۋدا يۋنكتاد قازاقستانعا ودان ءارى جاردەمدەسۋگە ءازىر ەكەنىن جەت­كىزدى, دەپ حابارلادى پارلامەنت سەناتىنىڭ ءباسپاسوز قىزمەتى.