«كەربۇلاق جانە پانفيلوۆ اۋداندارى ارقىلى وتەتىن رەسپۋبليكالىق كۇرە جولدى جوندەۋ ماسەلەسى وزەكتى بولىپ تۇر. بۇل – وتە ماڭىزدى جول. سوندىقتان, ۇكىمەت پەن اكىمدىككە ونداعى كۇردەلى جوندەۋ جۇمىسىن الداعى 2 جىلدىڭ ىشىندە اياقتاۋدى تاپسىرامىن. قاجەتتى قاراجاتتى شۇعىل قاراستىرۋ كەرەك», دەدى پرەزيدەنت.
قاسىم-جومارت توقاەۆ ەڭ الدىمەن, جولدىڭ ساپاسى جاقسى كوڭىل ءبولۋدى ۇسىندى. الايدا, قۇرىلىسى دا سوزىلىپ كەتپەسىن. بۇل جەرگىلىكتى جۇرتتىڭ تۇرمىسىنا جانە كولىك قوزعالىسىنىڭ قاۋىپسىزدىگىنە تىكەلەي اسەر ەتەتىنىن جەتكىزدى.
«ەلىمىزدە جول اپاتتارى, ونىڭ ىشىندە ادام ولىمىنە اكەپ سوقتىرعان وقيعالار كوبەيىپ بارادى. بۇعان ەش جول بەرۋگە بولمايدى. ادام ولىمىنە اكەپ سوقتىرعان ءاربىر جول اپاتىن توتەنشە جاعداي رەتىندە قاراستىرۋ قاجەت. ادام ءومىرى – ءبىزدىڭ باستى بايلىعىمىز. سوندىقتان, ازاماتتاردىڭ اماندىعى جانە قاۋىپسىزدىگى ءبىرىنشى ورىندا تۇرۋعا ءتيىس. جول قۇرىلىسى كەزىندەگى جەمقورلىق پەن سەلقوستىقتى تۇبىرىمەن جويۋ ءۇشىن جۇيەلى شارالار قابىلداۋ كەرەك», دەدى پرەزيدەنت جەتىسۋ وبلىسىنداعى جۇمىس ساپارى باراسىندا.
