«ەلوردادا مەكتەپ سالۋ ءۇشىن 72 جەر تەلىمى بەلگىلەندى. بۇل جەر ۋچاسكەلەرىنىڭ اۋماعى 120 مىڭ وقۋشى ورنىنا (ەكى اۋىسىمدا 240 مىڭ وقۋشى ورنى) ارنالعان وقۋ ورىندارىن سالۋعا مۇمكىندىك بەرەدى. اتالعان جەر ۋچاسكەلەرى الەۋمەتتىك نىساندارعا دەگەن قاجەتتىلىكتى ەسكەرە وتىرىپ انىقتالدى. ول قالانىڭ بارلىق اۋدانىندا ورنالاسقان. الەۋمەتتىك نىسانداردى سالۋعا ارنالعان جەر ۋچاسكەلەرىنىڭ سانى جىل سايىن ارتاتىن بولادى», دەپ جازدى اكىم.
سونداي-اق ونىڭ ايتۋىنشا ءاربىر اۋداندا (شاعىن اۋدانداردا) وقۋ ورىندارى بولۋى ءۇشىن ەگجەي-تەگجەيلى جوسپارلاۋ جوباسىنا ارنايى باعىت بەكىتىلگەن.
«ماسەلەن, ەلوردادا بيىل 11 مەكتەپ سالىنىپ, پايدالانۋعا بەرىلەدى. ەسىل اۋدانىندا – 6 مەكتەپ, الماتى اۋدانىندا – 4 مەكتەپ, سارىارقا اۋدانىندا – تاعى 1 مەكتەپ, بايقوڭىر اۋدانىندا – 1 مەكتەپ (ول 2023 جىلى تاپسىرىلادى) اشىلادى. اتالعان ءبىلىم وردالارى ارقىلى 23 مىڭنان استام وقۋشىعا ارنالعان ورىن اشىلادى.
الداعى 2023 جىلى تاعى 13 مەكتەپ سالىپ, پايدالانۋعا بەرۋدى جوسپارلاپ وتىرمىز. وسىلايشا تاعى 22 مىڭعا جۋىق وقۋشى ورنى اشىلادى: ەسىل اۋدانىندا – تاعى 8 مەكتەپ (اۋداندا تۇرعىندار تىعىز ورنالاسقانىن ەسكەرە وتىرىپ), الماتى اۋدانىندا – 4 مەكتەپ, بايقوڭىر اۋدانىندا – 1 مەكتەپ. سول سياقتى مەكتەپ سانىن ارتتىرۋ, ونىڭ ىشىندە جەكە قاراجات ەسەبىنەن دە كوبەيتۋ ماسەلەسىن قاراستىرامىز», دەپ جازدى التاي كولگىنوۆ.
ونىڭ ايتۋىنشا, مەملەكەت باسشىسىنىڭ تاپسىرماسىمەن ەلوردادا 3 جىل ىشىندە 34 مەكتەپ سالىنعان. بۇل 70 مىڭ وقۋشى ورنىن اشۋعا مۇمكىندىك بەردى.
