قالانىڭ قۇرمەتتى ازاماتى, ەڭبەك ارداگەرى الەكساندر چجەن قالاعا قوناەۆتىڭ ەسىمىن بەرگەنى ءۇشىن پرەزيدەنتكە العىس ايتتى.
«وگني الاتاۋ» گازەتىنىڭ بۇرىنعى ءجۋرناليسى, جازۋشى ۆلاديمير تاران مەملەكەت باسشىسىنا قاپشاعاي قالاسى تۋرالى ءوزى جازعان «سولنەچنىي گورود. سترانيتسى يستوري» كىتابىن سىيعا تارتتى.
كەزدەسۋ بارىسىندا ۇلتتىق سپورتتى دارىپتەۋشى تيمۋر سىپاتاەۆ «قازاق ەلىنىڭ بىرلىگى, ىنتىماعى وسى شەگەدەي مىقتى بولسىن» دەگەن تىلەكپەن تەمىردەن ءتۇيىن ءتۇيىپ, قاسىم-جومارت توقاەۆكا تارتۋ ەتتى.
پرەزيدەنت الماتى وبلىسىنىڭ ورتالىعىن قوناەۆ قالاسىنا كوشىرۋ تۋرالى شەشىمى ءوڭىردى وركەندەتۋ ءۇشىن ماڭىزدى قادام بولعانىن اتاپ ءوتىپ, ەندى قالا ودان ءارى قارقىندى داميتىنىنا سەنىم ءبىلدىردى.
