«بۇل ۇسىنىس اتالعان ۇيىمنىڭ دۇنيەجۇزىلىك كەڭەسىنىڭ («United Cities and Local Governments») وتىرىسى بارىسىندا قولداۋ تاپتى. ال, قالا اكىمى التاي كولگىنوۆ ۇيىمنىڭ تەڭ توراعاسى بولىپ سايلاندى», دەلىنگەن اكىمدىك اقپاراتىندا.
دۇنيەجۇزىلىك ۇيىمعا ەنۋ قاتىسۋشى ەلدەر اراسىندا تاجىريبە الماسۋعا, وزەكتى ماسەلەلەردى كوتەرۋگە جانە ولاردى كەشەندى شەشۋ ىسىنە جاردەمدەسۋگە, قالالاردىڭ الەۋەتىن تانىستىرۋعا, قالاعا قوسىمشا ينۆەستيتسيالار تارتۋعا مۇمكىندىك بەرەدى.
اتالعان ۇيىم - مۋنيتسيپاليتەتتەردىڭ, مەگاپوليستەردىڭ جانە ايماقتاردىڭ, سونداي-اق ولاردىڭ بىرلەستىكتەرىنىڭ 2004 جىلى قۇرىلعان عالامدىق جەلىسى. ونىڭ قۇرامىنا بۇۇ-نىڭ 140 ەلىنەن باس-اياعى 240 000 مۋنيتسيپاليتەت, ايماقتار مەن مەگاپوليستەر كىرەدى.
