شارت جوباسىن دايىنداۋداعى بەلسەندىلىك

پرەزيدەنت جانىنداعى ورتالىق كوممۋنيكاتسيالار قىزمەتىندە ءداستۇرلى بريفينگ ءوتتى. باسقوسۋعا  ۇلتتىق كاسىپكەرلەر پالاتاسى باسقارما توراعاسىنىڭ ورىنباسارى راحىم وشاقباەۆ كەلدى. «ۇكىمەت قازاقستاندىق بيزنەس-قاۋىمداستىققا ەاەو-عا قاتىستى كەلىسسوزدەر ۇدەرىسىنە قاتىسۋعا جانە ونىڭ ءارتۇرلى بولىمدەرى بويىنشا  قازاقستاننىڭ ۇستانىمىن بىلدىرۋگە  تولىق مۇمكىندىك بەرگەنىن اتاپ وتكەن ءجون. وتكەن جىلدىڭ قاراشاسىنان باس­تاپ شارت ءماتىنىنىڭ اعىمداعى رەداكتسيا­لارى ۇلتتىق پالاتاعا كەلىپ جاتتى, ءبىز بيزنەستى ماكسيمالدى تۇردە ەلىكتىرۋدى قامتاماسىز ەتۋ ءۇشىن ولاردى بىردەن سايتقا جاريالاپ وتىردىق. بارلىعى التى رەداكتسيا جاريالاندى. قازىر ءبىزدىڭ palata.kz سايتىمىزدان 29 مامىردا مەملەكەت باسشىلارىنىڭ قول قويۋىنا جىبەرىلەدى دەپ بولجانىپ وتىرعان قۇجاتتىڭ 2014 جىلعى 15 مامىرداعى سوڭعى نۇسقاسىن جۇكتەپ الۋىڭىزعا بولادى. ول بارلىق قازاقستاندىق كاسىپكەرلەرگە قۇجاتتى زەرتتەپ, بىزگە ءوز ۇسىنىستارىن جىبەرۋگە مۇمكىندىك بەردى», دەدى  ۇلتتىق كاسىپكەرلەر پالاتاسى باسقارما توراعاسىنىڭ ورىنباسارى ر.وشاقباەۆ. جىبەرىلگەن ەسكەرتۋلەر مەن ۇسىنىستاردىڭ قورىتىندىسى بويىنشا  ۇلتتىق پالاتادا قاۋىمداستىقتاردى, ساراپشىلاردىڭ, بەينەكونفەرەنتسيالار ارقىلى قوسىلعان وڭىرلىك كاسىپكەرلەردىڭ  وتىزدان اسا جۇمىس كەڭەستەرى وتكىزىلىپ, شارتتىڭ ءارتۇرلى بولىمدەرى تالقىلانعان. ءتۇرلى شارالارعا, سونىڭ ىشىندە  ەەك  كەڭەسىنىڭ وتىرىستارىنىڭ دايىندىقتارى مەن  استانا, ماسكەۋ جانە مينسك قالالارىنداعى ساراپشى توپتار وتىرىستارىنا قاتىسقان. شارتتىڭ بارلىق بولىمدەرى بويىنشا قازاقستاننىڭ كاسىپكەرلىك قاۋىمداستىعىنىڭ پوزيتسيالارى جازىلىپ, ءاردايىم وكىلەتتى مەملەكەتتىك ورگاندارعا جەتكىزىلىپ وتىرعان. جالپى پالاتا ۇكىمەتكە رەسمي تۇردە 120-دان اسا ەسكەرتۋلەر مەن ۇسىنىستار جىبەرگەن. ناتيجەسىندە شامامەن 90 پايىزى, ياعني بيزنەس ۇسىنىستارىنىڭ باسىم كوپشىلىگى قازاقستاندىق كەلىسسوزدەر توبىنىڭ رەسمي ۇستانىمى بولىپ, شارت جوباسىنىڭ قورىتىندى رەداكتسياسىنا ەنگىزىلدى. ۇكىمەت ۇلتتىق پالاتانىڭ وكىلدەرىنە كەلىسسوزدەرگە قاتىسۋعا جانە شارت باپتارىنىڭ رەداكتسيالارىن جاساۋدا ساراپتىق دەڭگەيدە تىكەلەي جۇمىس ىستەۋگە مۇمكىندىك بەردى. «سونىمەن قاتار ءبىز بيزنەس قاۋىمداستىقتىڭ كەلىسسوزدەرگە قاتىسۋ ۇدەرىسىن ماكسيمالدى اشىق وتكىزىپ, ونى كوپشىلىككە تۇسىندىرۋگە تىرىستىق. 2013 جىلدىڭ قاراشا ايىنان باستاپ شارت جوباسىن تالقىلاۋ اياسىندا  پالاتا باق-قا كەلىسسوزدەر ۇدەرىسىنىڭ قانداي دا ءبىر بولىمدەرى بويىنشا جاعداي تۋرالى مالىمدەيتىن 170-تەن اسا ماتەريالدى, جوعارىدا ايتىلعان شارتتىڭ 6 رەداكتسيا­سىنان وزگە 75 جاڭالىقتى جاريالادى», دەگەن توراعا ورىنباسارى ۇكىمەتتىڭ بيزنەس قاۋىمداستىققا  ەاەو زاڭناماسىن قالىپتاستىرۋعا قاتىسۋ بويىنشا بەرگەن مۇمكىندىكتەرىنىڭ تەڭدەسسىز ەكەندىگىن دە نازاردان تىس قالدىرمادى. «سالىستىرا العاندا رەسەيلىك تە, بەلارۋستىق تا بيزنەس قاۋىمداستىقتارىنىڭ ەلدىڭ پوزيتسياسىن قالىپتاستىرۋعا قاتىسۋ تۋرالى ايتپاعاندا, ءتىپتى شارتتىڭ وزەكتى نۇسقالارى دا جوق. بۇل ەسكەرۋسىز قالمادى, ءبىز رەسەيلىك بەدەلدى قوعامداستىقتاردان, مىسالى, رەسەي ونەركاسىپشىلەرى مەن كاسىپكەرلەرى وداعىنان شارتپەن جۇمىس ىستەۋ كەزىندە بيزنەس مۇددەلەرىن ەسكەرۋ ءوتىنىشىن الدىق. جالپى, قازاقستاندىق تاراپ كەلىسسوزدەر بارىسىندا ءبىرىنشى ۆيتسە-پرەمەر باقىتجان ساعىنتاەۆتىڭ جەتەكشىلىگىمەن بيزنەس قاۋىمداستىقتىڭ ۇسىنىستارىنىڭ باسىم كوپشىلىگىن قورعاپ قالعاندىقتان, شارتقا قاتىستى ريزالىعىمىزدى بىلدىرەمىز», دەدى ول. ءابدىراحمان قىدىربەك, «ەگەمەن قازاقستان».