20 جاستاعى استانا قالاسىنىڭ تۇرعىنىنا 50 ايلىق ەسەپتىك كورسەتكىش كولەمىندە ايىپپۇل سالىنعان. اكت بويىنشا «شارم-ەل-شەيح – استانا» باعىتىنداعى اۋە رەيسىنەن ءتۇسىرىلىپ, كولىك پوليتسەيلەرىنە بەرىلدى. جاس قىز قر اقبتك-ءنىڭ 441-بابىنىڭ 1-2-بولىگى بويىنشا اكىمشىلىك جاۋاپكەرشىلىككە تارتىلىپ, 153 150 تگ كولەمىندە ايىپپۇل تولەۋ مىندەتتەلدى.
ءدال وسىنداي جاعداي ورال قالاسىندا دا ورىن العان. تاعى ءبىر جولاۋشى قىز ءدال وسىنداي قۇقىق بۇزۋشىلىق جاساعانى ءۇشىن «ورال – الماتى» باعىتىنداعى اۋە رەيسىنەن تۇسىرىلگەن.
اقپارات بويىنشا وسى جىلدىڭ باسىنان بەرى ەلىمىزدىڭ كولىك پوليتسەيلەرى ءتۇرلى اكىمشىلىك قۇقىق بۇزۋشىلىقتار جاساعانى ءۇشىن اۋە رەيسىنەن 379 ازاماتتى تۇسىرگەن, ونىڭ ىشىندە اۋە كەمەسىنىڭ بورتىندا تەمەكى ونىمدەرىن تۇتىنعانى ءۇشىن – 106, الكوگولدىك ىشىمدىكتەر ىشكەنى نەمەسە قوعامدىق ورىنداردا ماس كۇيىندە بولعانى ءۇشىن 204 ازامات جاۋاپقا تارتىلعان.
